Éxodo 12:12 - La'qaatqa ñi qota'olec Qota'olec & Qota'olec Novita Na Qomyipi

¹² Quecajo pe, ca' shiguelec yá'ogue yi Egipto. Ca' salauat ná'ogue ná'maq ỹi ñaalec quená'ogue ná'maq Egipto laseripi, chaqai ná'ogue ná'maq 'auaxaic llaalec na iseripi. Chaqai sa'ue ca nouaxanaxaset ná'ogue ná'maq lashiilec na Egipto laseripi. Ỹim ra'gaxalari shinac dajo.

Éxodo 12:12 Iomraidhean Croise

Salmos 91:7

ma' no'm mil ca ileu pa'aata'gue da nemaqai' chaqai diez mil queda qatoiqui', qam caqami', ca' qaica canchaqaica.

Salmos 95:3

Ma' ñi qara'gaxala' chaqaiñi ñi qota'olec lodegaxat, chalego lecaic lashi ná'ogue na nashiilqaipi nqolaquipi.

Éxodo 12:23

Ca ma' ñi qara'gaxala' ma' quelec quiyim nalauajñi na llaalec ỹi na Egipto laseripi, ca iuane'ta ma'le ca leuoripi queca lasom, ca' ỹa'iitalec cajo 'imec. Ca' ñi qara'gaxala' se inoxono nqai'en ma'le ca nalauataxanaq queca qauori.

Éxodo 9:6

Ca' queso liỹa na'xa'a, ca' ñi qara'gaxala' ỹo'uet quiyim sá'ogue so laloipi so Egipto laseripi nilliviñi. Qam quena laloipi so Israel llaalqaipi qaica ca ileu.

Jeremías 43:12

Ca' copata'a ma'le na lauootoripi na lashiilqaipi na Egipto chaqai na lqolaqaipi copata'a loqo'm i'xat 'ec la'ac. Co'taxat ma'le na na'laua na Egipto, 'nejem ca qagreta lo'o quena naqat na lapaxat na looỹac. Ca' ime, ca' eec qaica ca quepaxat.

Jeremías 43:13

I'guenaxajñi ada netana ladocai quiyi nqouagaxainqa' cañi ra'aasa na na'ñi yi Egipto, chaqai copata'alo naua lauooto' na lashiilqaipi yi'maxare.