Éxodo 12:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca ñi qara'gaxala' retaxaỹa'pegueto saua Moisés chaqai so Aarón quiyi Egipto, 'naaco':

Éxodo 12:1 Iomraidhean Croise

Génesis 20:7

Qam nagui pilaxachireco' añi loua cajo ỹale, ma' ñi'maxare ỹa'qaataxanqajnec, qaiyi nqouagaxainlec qami' ñi'maxare, qaiyi rca'llirec. Qam no'm sqo pilaxachirec, ca qami' chaqai ná'ogue ná'maq neeta'ñi najo ileu ma'le.

Éxodo 11:10

Ca' so Moisés chaqai so Aarón ỹo'ueete' ná'ogue ná'maq se ỹauanapega, iuanchigui so nashi Faraón, qam ñi qara'gaxala' ỹa'ñaxachigui lauel nqai'en so'maxare, ca' so nashi sqai ỹaxanec quiyim ca'e yi Egipto so llaalqaipi so Israel.

Éxodo 11:2

Qam nagui 'ñirapega na ỹale chaqai ana 'aalo quena llaalqaipi so Israel quiyim rashiilaxanaque canchaqaica nouenec quena 'oro loqo'm na plata quena Egipto laseripi.

Éxodo 12:2

—Najo shiraigo chaqaina ná'maq ỹapacauec nqai'ñii qamiri, ná'maq 'auaxaic shiraigo quiyi ñaaxa.

Éxodo 14:1

Ca' ñi qara'gaxala' ỹalamaxachichigui so Moisés quiyim 'naapega:

Éxodo 40:2

—Ca 'auaxaic na'xa'a quiñi 'auaxaic shiraigo, ca 'yiriño' ma'le ca na'daañi 'imcoqui'. Ca' quecajo 'imec na'daañi, ca hua'ñi quiyim qanauane'e' aỹim.

Marcos 14:1

Co'na' saqa'lecaua dos na'xata', ca ỹovire'oga so na'xa'a quena' qaỹo'leente na' qoyique'e yi Egipto. Queso na'xa'a, ca' qaỹa'ic quen na pan, qam le'en ana lpe'taqate. Ca sauá'maq la'gaxalate' ná'maq netaxaỹaxanqajanqaipi quena' qaretaxaỹa'pegue' ñi qota'a chaqai na rapaxaguinataxanta'pegue na naqataxaquipi idaantaque ca la'maqa' quiyim iconlec so Jesús, ca' ỹalauat.

Lucas 22:1

Ca' mashic ipalata'a so laloqo' quiyim qaỹa'ic na pan sqaca lpe'taqate, só'maq hueetaugui so na'xa'a quiyim qaỹo'leenta'a co'na' qanaqata'a so qomyipi quiyi Egipto.

Hechos 12:4

Ca co'na' ime quiyim qaiconlec so Pedro qaicoñi', ca' so Herodes relaataxanlec quiyim qoỹanaugui añi ncoñiitaxanaxaqui late'ogue'. Chaqai ỹa'uo' so lapoonta' dieciseis nouaataxanaq, ca ỹasectaqchigui cuatrotac nqai'en quenaua laloqote' quiyim ỹovirelec qareloxoỹa'a so'maxare. Ma' da la'deenataxanaxac so Herodes quiyim ma' ime so nemaqachic, ca' qanaqatec so Pedro quiyim qaichoxotem ná'ogue na qomyipi, ca qaỹalauat.