Éxodo 11:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca ma'le, ca nacpegue' aỹim ná'ogue na rotauachi'ipi yashiila, ỹa'yiichiriñi naua le'cootal, ca 'naac: “Mohi, quii qami' chaqai ná'ogue ná'maq qauochi'. Queeta'pegue' qami'.” Qam no'm saqa' ỹovita dajo, ca' sqa shique'e najo. Ca' so Moisés ỹaatqajam ro'o na' inoxonec quiñi lauo' so Faraón.

Éxodo 11:8 Iomraidhean Croise

Nehemías 5:6

Ca na' sa'xaỹa dá'maq 'neetari' chaqai nauá'maq la'qaatqa, ca' ỹaatqajam so'o.

Salmos 6:1

Qami' ỹa'gaxala', totaxan relaqairiua' quiyim 'ohi', chaqai sqa vite ca ñouaxanaxaset quiyim roqui'raỹa'.

Éxodo 10:29

Ca' so Moisés 'naaco': —Ỹa'maqachiguiñi da 'ñirac. Ca nagui tot ñovira'a qami'.

Isaías 49:23

Naua nashillipi ra'ualaxahi' qata'alli' ma'le, chaqai nauá'maq llaallipi neloxoỹaxallipi caqami' ma'le. Chaqai nqa'paxanñi, ỹoviraxata'guit nqai'en na latap na 'laua, ca' neneequesenta, ỹachaxan dá'maq quiyim se napacalec aqami'. Ca 'yiiñira'a ma'le quiyim ỹim ná'maq ỹim na'gaxala', ca ná'maq pi'ỹa'a ỹim mese pe'taxantegueri'.

Isaías 49:26

Ỹim yipaca'a ma'le ná'maq qa'uaiquipi quiyim squi'ỹaxanegue ná'maq chi la'at chaqai quiyim quiñiuguetegue ná'maq chi leuoripi, 'ec nqai'en na lataxa. Qaiyi ná'ogue na qomyipi quena 'laua ỹa'den quiyim ỹim ná'maq ỹim na'gaxala', ỹim ná'maq ñca'laxatec aqami', quiyim ỹim ná'maq quesaxanaxaic queso Jacob, ỹim ná'maq sosouec aqami'.

Ezequiel 3:14

Ca' da lquesaxanaxa ñi qota'olec naqata'a ỹim quiyi'maxare, ca' ỹim shic, qam se ỹa'maxagui na iuel chaqai sachicota, qam ñi qara'gaxala' lo'qoota'a da iqai'laxat ỹovicqochigui.

Daniel 3:19

Ca co'na' 'xaỹa dajo na'qaatec so nashi Nabucodonosor, ca' netoguec na lashic quena lauel quesaua tres ne'naqa. Ca' relaataxanlec quiyim liỹa qaỹalonougui ñi nqatelaxanaxaqui, qaiyi paguec nqo'neuec da lpa'ỹaaxa.

Marcos 3:5

Co'na'le, ca so Jesús ro'oogui na' ỹamataugui so qomyipi. Ca' 'ue da lachicoxo, ma' saua'maxare se na'xaỹaxane'. Ca 'naapego' só'maq ỹale: —Ỹeguec nqai'ñi' na rqai'laxachi'. Ca' ỹeguec nqai'en da lqai'laxat, ca chaqa'ma' imeuec.

Hebreos 11:27

Ma' 'uo' da lpi'ỹaxac so Moisés, ca' ca'e yi 'laua Egipto, se no'cha'a da lonogoxonaxac so nashi. Ỹaatqajam queetalec dá'maq chi no'ueenataxac, 'ec ra'iito'ot ñi qota'a ñí'maq sqaica iuana.

Apocalipsis 3:9

Vichiguiño' ỹim ỹa'dooto nqaishine' aqami' naua le'cootal ná'maq queeta'pegue' so na'ỹaapec, ná'maq 'maatqaiquipi ná'maq 'naac judío laseripi qam sqai llic, qaiyi na'maxare ỹa'den ma'le quiyim se'xoriñi'.

Jueces 4:10

Ca' quiyi, ca' so Barac roỹaxana so llaalqaipi so Zabulón chaqai so Neftalí, ca lapoonta' quiyim qaỹa'guelec queso diez mil nalliripi. Ca so Barac liỹaatac aso Débora.