Éxodo 11:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' quená'ogue na Egipto 'ue da naualaxac queda nqui'ic, dá'maq se ỹauanapega 'ue, chaqai qaica ma' liỹa quet 'ue.”

Éxodo 11:6 Iomraidhean Croise

Éxodo 11:7

Qaiyi 'yiiñii qamiri quiyim ñi qara'gaxala' ỹa'den quiyim ỹoỹooteta'oga na Egipto laseripi quena Israel llaalqaipi, quiyim vire'ta ñaqai pioq quet ca itou'ga ca qom loqo'm ca isecỹac quena Israel llaalqaipi.

Éxodo 12:30

Ca so Faraón chaqai so lotauaripi chaqai sá'ogue so Egipto laseripi ne'laxashiguim queso pe, ca' ỹaatqajam 'ue da nqui'ic chaqai da naualaxac quiyá'ogue yi Egipto. Qaica ma' 'ue quet ca 'imec sqai hua'ñi quet ca leuaxaic.

Éxodo 3:7

Qam ñi qara'gaxala' queetalco' dá'maq ỹa'xatetac, 'naaco': —Ỹim ỹaatqajam seuanchigui da le'xoric yi ỹalamaxareteripi neeta'ñi yi Egipto. Sa'qaatapega quiyim se nqo'ta dá'maq qohinta'gue quená'maq neloxoỹaq quena no'ueenataxanaq, chaqai sa'deenta dá'maq le'xoric.

Éxodo 9:18

Vichiguiño' ma' nete'e ma' 'nejem nagui, ca' anac nqaishin aca qalachi late'ogue' se ỹauanapega 'ue aca liỹa 'nejem taalec na Egipto quesá'ogue so 'au ñaxaripi.

Lucas 13:28

Ca' quiyi hua'ñi, ca' nohiñitac chaqai quishquintecta' naua rovii quena qavillii, ma' daañiỹau'a ca Abraham, Isaac, Jacob, chaqai ná'ogue na letaxaỹaxaquiripi ñi qota'a, qoyinta'ñi ca lo'ueenataxanqa' ñi'maxare, qam qamiri, ca' qaro'yiỹauec.