Éxodo 11:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' so qara'gaxala' ỹo'uet quiyim so Egipto laseripi 'naxanaxaraic queso Israel llaalqaipi. Chaqai qai'neeta só'maq lotauaripi so Faraón ỹaatqajam 'ue nqai'negue nqohin so Moisés, chaqai qai'neeta sá'ogue so Egipto laseripi.

Éxodo 11:3 Iomraidhean Croise

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Génesis 39:21

qaiyiita ñi qara'gaxala' na'deeta'guit so José, ichoxotetac da lqouagaxa. Ca ỹo'uet quiyim qanqo'ta queso lashi añi ncoñiitaxanaxaqui.

2 Samuel 7:9

Ỹaatqajam scoỹaretegueñi qami' quecanchaqa 'itegue, ñomachichiguiñi sá'ogue so npa'guenaxaua'e'ipi quena' quiguit qami', chaqai so'uet quiyim qami' choxoraic, 'nejem nqaishin ná'maq ỹalliripi 'ue nqai 'negue quena 'laua.

Ester 9:4

Ma' chaqaiso só'maq ỹapacauec quiyi la'a' so nashi, chaqai da lichoxoric mashic huaguec quiyaua'que yaua 'lauari, chaqai nqo'neetauec da lquesaxanaxa.

Éxodo 12:35

Ca' so qomyipi ipacqajanchigui dá'maq la'qaatec so Moisés. Ca' ỹashiila so Egipto laseripi quena louenec 'oro chaqai na plata, chaqai na nooỹac.

Éxodo 12:36

Ca' ñi qara'gaxala' ỹo'uet quiyim 'naxanaxaraic nqai'en so Egipto laseripi. Ca' ỹaanec ná'ogue ná'maq rashiilaxanaque so Israel llaalqaipi. Ca' quiyi, ca' so Israel llaalqaipi nouoretam so Egipto laseripi.

Isaías 60:14

Na llaalqaipi ná'maq 'xoic lqa'viic caqami' nacpegue' qami', ca' neneequesenta, ná'ogue ná'maq se nqo'ta qami', nacpegue' qami', ca' ỹa'chi'iñi naua le'cootal queca loqoisa'ñi, chaqai ỹamata'gue qami' Sión, la'a' ñí'maq co'teeta qara'gaxala' qota'olec quena Israel.

Hechos 7:22

Ca' quedajo so Moisés ỹaatqajam qaỹapaxaguinegue dá'ogue da na'deenaxanaxa quiyi Egipto, chaqai qai'neeta quesaxanaxaic quena' 'ue ỹa'xat chaqai quena' 'ue da ỹo'uet.

Deuteronomio 34:10

Qam qaica ma' 'ue quet ca liỹa letaxaỹaxaqui ñi qota'olec 'nejem so Moisés quiyi Israel, quiyim ñi qara'gaxala' reloqota'guit quiyim retaqata'pegue',

Deuteronomio 34:11

loqo'm quiyim ỹo'uet ná'ogue ná'maq se qaiuanapega, chaqai ná'maq ỹo'uet ca ne'laxa quená'maq qailarelec quiñi qara'gaxala' quiyi Egipto, chaqai queso nashi Faraón chaqai so lotauaripi, chaqai sá'ogue só'maq neetalec yi na'laua,

Apocalipsis 3:9

Vichiguiño' ỹim ỹa'dooto nqaishine' aqami' naua le'cootal ná'maq queeta'pegue' so na'ỹaapec, ná'maq 'maatqaiquipi ná'maq 'naac judío laseripi qam sqai llic, qaiyi na'maxare ỹa'den ma'le quiyim se'xoriñi'.