Éxodo 10:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' so Moisés 'naaco': —Qomi' ma' qolaq, ca' qariỹaatac na ñaaqaipioqui' chaqai na qo'xoiquipi, naua qochaalqa chaqai naua qochaale, chaqai ana qolo qagreta chaqai ana huaca, ma' coqomi' ỹaatqajam lemaqachic lodegaxat ñi qara'gaxala'.

Éxodo 10:9 Iomraidhean Croise

Génesis 50:8

Só'maq chaqai llaalqaipi so Jacob, chaqai so lauo' so José, chaqai so lqaỹaripi eec. Qainaata no'ueenaxatañi na ñaaqaipioqui' chaqai na laloipi quiyi Gosén.

Éxodo 10:10

Qam so Faraón 'naaco' queso Moisés: —¿Ca 'ñiitapego' quiyim ca ra'gaxalari liỹareta'pe qamiri ma'le, chaqai quiyim saseneterec qamiri chaqai naua qachaalaxahi quiyim oquii? ¡Ma' chaqa'ma' re'qoota quiyim se no'uen da ra'deenataxanaxaguii!

Éxodo 10:26

Chaqai ná'maq qoloipi se'xataq. Qaica ca ño'ueenaqtaqañi, ma' ma'le, ca' ñica'axagui, ca' 'ue ca seconaxau'a, ca' semaqachinaq ñi qota'olec ñí'maq qara'gaxala'. Ma' quiyim saqa' soviraq, ca saqa' sa'deenaq cá'maq souenaq quiyim semaqachinaq ñi qara'gaxala'.

Éxodo 12:32

'Xachii qai'neeta ana qalohi qagreta chaqai ana huaca dá'maq viitaque quen. Ca' mohi, oquii. Ca' shiilahi ma'le ñi qota'olec, nqouagaxaiñilec aỹim ma'le.

Éxodo 12:37

Ca' so Israel llaalqaipi co'na' eec, ca'e yi Ramsés que'tegue yi leenaxat Sucot. So'maxare 'uo' ca sham ỹovi' seiscientos mil ỹalliripi co'ueetañi mashic ỹovite' yaua niñaxari quiyim taho quena nouaataxanaq. Qam se qanaloqochin ana 'aalo chaqai na ñaaqaipioqui'.

Éxodo 12:38

Ca' queso qomyipi ỹaatqajam 'xoic so liỹaate'uegue' ỹoreta'oguit qomyipi. Chaqai qai'neeta 'xoic ana qagreta chaqai ana huaca.

Éxodo 5:1

Ca co'na' ime dajo, ca' so Moisés chaqai so Aarón querepegue' so Faraón, ca 'neraco': —Ñi qara'gaxala', ñí'maq qota'olec queso Israel llaalqaipi, 'neetasa' da la'qaatec: 'Xañirec ñaqai eec na qomyipi, quepegue' yi 'laua qaica ca qom, qaiyi ỹo'uet ca lemaqachic quiyim yimaqachin.

Éxodo 5:3

Co'na'le, ca' saua'maxare 'neraco': —Ñi qota'olec quena hebreo laseripi ỹanaxata'guita qomi'. Ca' qomi' qolaq, saxague da 'laua qaica qom. Yi'maxare ỹovite' caua tres na'xata' queeta ca qom, ca' ỹovita. Ca ma'le, ca' savigaxataq ca qarachitaxanataxanaxat, ca' saanqot ñi qara'gaxala' qota'olec, 'neeto' quiyim inaxalgoto qomi' ca ne'ne', loqo'm ỹahote'e ca lecat llaaxa.

Eclesiastés 12:1

Totaxan 'laxachite ñí'maq qami' lo'ueenatec nagui tomaxan ñaqai qami' ne'necoqui' chaqai saqa' novite' caua lqalaigue' naua na'xata'; ma' novite' ma'le caua ñaxari quiyim 'ñirac: Qaica quet cá'maq noviraxat quiyim ya'maqachiguiñi yca'leetauec.

Efesios 6:4

Chaqai qamiri ma' qamiri neta'al, sqai 'ooqochichii' caua qachaalaxahi. Ta'ta'a quiyim naquetashi'me' nqai'ñii da no'uen na'deenataxanaxac, paxaguiñita'gue quiyim huelec so qara'gaxala'.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.