Éxodo 10:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca no'xataxachigui ma'le na qauochi', chaqai na lauo' na rotaua'e'ipi, chaqai ná'ogue na lauo' na Egipto laseripi. ¡Ca da'maxare ỹaatqajam se qaiuanapega quesaua qata'alli' chaqai quesaua qapirilli' quesá'ogue so ñaxaripi, chi ỹovireta'a nauajo na'xata' seuqatauguilo! Ca co'na' ime da letaxaỹaxac, ca' so Moisés naqalgoxoñi, ca' eec, ca'e ñi lauo' so Faraón.

Éxodo 10:6 Iomraidhean Croise

Éxodo 10:11

Qam sqai 'ñii'tegue dajo. Qamiri quet nauá'maq quii ná'maq qomyipi mashic ỹi, ca nqouagaxaiñiỹot cá'maq ra'gaxalari, ma' chaqaida dá'maq viitaque. Ca' so Faraón talaxanque quiyim qaỹo'derauec quiyí'maq neeta'ñi.

Éxodo 11:6

Ca' quená'ogue na Egipto 'ue da naualaxac queda nqui'ic, dá'maq se ỹauanapega 'ue, chaqai qaica ma' liỹa quet 'ue.”

Éxodo 11:8

Ca ma'le, ca nacpegue' aỹim ná'ogue na rotauachi'ipi yashiila, ỹa'yiichiriñi naua le'cootal, ca 'naac: “Mohi, quii qami' chaqai ná'ogue ná'maq qauochi'. Queeta'pegue' qami'.” Qam no'm saqa' ỹovita dajo, ca' sqa shique'e najo. Ca' so Moisés ỹaatqajam ro'o na' inoxonec quiñi lauo' so Faraón.

Éxodo 8:21

Ma' no'm sqai 'xañirec quiyim eec na ỹalamqateripi, ca' ñilata qami' ma'le aca qogo, chaqai na rotaua'e'ipi, chaqai na qauochi' laseripi, chaqai quiñi qauochi' 'imec. Chaqai ná'ogue na lauo' na Egipto laseripi no'xagui ma'le cana qogo, chaqai vire'ta na 'laua.

Éxodo 8:3

Ana lachiugue ỹaatqajam 'ec ni'ỹam ma'le cana piyiloxoloxo. Ime, ca' chicqochiguiñigui aso lachiugue, ca' ta'oga yi ra'aachi'. Ca inoxonougui ỹovirau'a yi relaqsoqochi' quiyi romalachi', chaqai na la'a' na rotaua'e'ipi, chaqai quena liỹa qauochi' laseripi, chaqai na nqatelaxanaxaqui, chaqai na naqaulatqa' na pan.

Éxodo 9:18

Vichiguiño' ma' nete'e ma' 'nejem nagui, ca' anac nqaishin aca qalachi late'ogue' se ỹauanapega 'ue aca liỹa 'nejem taalec na Egipto quesá'ogue so 'au ñaxaripi.

Éxodo 9:24

Ca' ana qalachi chaqai na nqai'legaxa ỹaatqajam se rachipi. Ca quedá'ogue dá'maq chicqochi'ño' na' 'ue yi Egipto se ỹauanapega quiyim 'ue quet aca qalachi late'ogue' 'nejem aso'maxare.

Joel 2:2

Cajo na'xa'a chalego ma'le ca napalaxa; cajo na'xa'a naueguelquetañi chaqai la'alchiguiñi. Ana piñai 'ec na 'xoic nouaataxanaq nalauataxai quelec neuagaxajlec ana qa' ladocai, 'ec na lauaq quena' richiguiñi. Se ỹauanapega qaiuana dajo, chaqai qaica ma' qaiuana quet cá'maq 'nejem dajo.

Joel 2:9

Queu'a na na'aateripi leta'allipi, ne'guenta queetalec na napoxonaxat, quishi'megue na 'imqaipi, chaqai 'ec na cuataxairipi inoxontouguilo naua nqotel.

Hebreos 11:27

Ma' 'uo' da lpi'ỹaxac so Moisés, ca' ca'e yi 'laua Egipto, se no'cha'a da lonogoxonaxac so nashi. Ỹaatqajam queetalec dá'maq chi no'ueenataxac, 'ec ra'iito'ot ñi qota'a ñí'maq sqaica iuana.