Éxodo 10:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Qam so Moisés 'naaco' queso'maxare: —'E', ma' chaqaqami' nañaañirec ma'le cá'maq iseripi, cá'maq savigaxataq ma'le ma' sahoqe ca qarachitaxanataxanaxat quiyim saanqot ñi qara'gaxala' ñí'maq qota'olec.

Éxodo 10:25 Iomraidhean Croise

Génesis 8:20

Ca co'na' ime, ca' so Noé ỹo'ueeto' aso lcopatoxonaxalate quiyim imaqachin ñi qara'gaxala'. Ca ỹacona'a quena iseripi chaqai quena ỹoipi quená'maq co'teeta, 'oonoqui' ñi ỹacona'a quená'maq ỹoreta'oguit iseripi. Ime, ca ỹavigaxat, ỹa'ue aca lachitaxanataxanqate quiyim ỹaanot ñi qara'gaxala'.

Éxodo 10:24

Co'na'le, ca' so Faraón relaataxane'ogo' so Moisés, ca 'naaco': —Mohi, quiipegue' ca ra'gaxalari, ca nqouagaxaiñiỹot. Ca 'xachii naua qachaalaxahi, qam no'ueenaqchiỹañi quenajo ana qalohipi qagreta chaqai ana huaca.

Éxodo 10:26

Chaqai ná'maq qoloipi se'xataq. Qaica ca ño'ueenaqtaqañi, ma' ma'le, ca' ñica'axagui, ca' 'ue ca seconaxau'a, ca' semaqachinaq ñi qota'olec ñí'maq qara'gaxala'. Ma' quiyim saqa' soviraq, ca saqa' sa'deenaq cá'maq souenaq quiyim semaqachinaq ñi qara'gaxala'.

Levítico 16:9

Ca' cajo quetaq loua' cá'maq tajlec quiyim qoỹaanot aỹim, ca ca'maxare ỹaano so Aarón qaiyi sapalaxat na lasauaxaset.

Levítico 9:22

Ca' so Aarón ỹachaxañishiguim naua lqai'laqate', ca' ỹaanem da no'uen llicyaxac so Israel llaalqaipi. Ca co'na' mashic ỹomat ỹaano aso nachitaxanataxanqate quiyim qaỹapalaxat na nasauaxaseteripi, chaqai aso nachitaxanataxanqate qaỹavigaxat, chaqai asó'maq qoỹaano quiyim qaropilot ñi qota'olec, ca' qoshiiuec ca'e aso ncopatoxonaxalate.