Éxodo 10:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca' ỹovirerauec saua tres na'xata' sqaica ca qaiuana quena neuora chaqai sqaican reda quecá'maq neeta'ñi. Qam so Israel llaalqaipi neuanchiguiñi quiyí'maq neeta'ñi.

Éxodo 10:23 Iomraidhean Croise

Éxodo 14:20

Ca' so lapo naueguelec, ca hueetañigui na lavinñi queso nalliripi nouaataxanaq so Egipto laseripi chaqai queso Israel llaalqaipi. Ca' queso Egipto laseripi, ca napalligui so naueguelec, qam queso Israel llaalqaipi, ca' coỹaretalec. Ca vichiguiño' so Egipto laseripi se ỹovi' so Israel llaalqaipi quesá'ogue so pe.

Éxodo 7:25

Ca co'na' ñi qara'gaxala' ime ỹouaxanñigui aso lachiugue, ca co'na' ỹovirerec saua siete na'xata',

Éxodo 8:18

Ca' so 'viiquiaxairipi qai'neeta ỹahotaque ro'ueenataxana da lo'viiquiaxac quiyim ỹo'uet na ra'gaxan, qam se ishit ỹo'uet. Ca' na ra'gaxan queetalec quiyim sqai ỹaxanac na qomyipi chaqai na iseripi.

Éxodo 8:19

Co'na'le, ca' so 'viiquiaxairipi 'naaco' queso Faraón: —Chaqaiñi ñi qota'olec ñí'maq ỹo'ueetetac dá'ogue dajo. Qam so Faraón qaiyiita se ỹaqamaq chaqai se na'xaỹaxan, ma' chaqaida 'naaco' na'le ñi qara'gaxala'.

Éxodo 8:22

Ca ma' ỹovirelec quiyim ipaquichigui dajo, ca soỹoote'oga ma'le yi 'laua Gosén yí'maq neetalec yi ỹalamqateripi. Ca quiyi'maxare qaca aca 'oonole qogo ma'le, qaiyi qami' 'yiiñi' quiyim ỹim na'gaxala' seuetalec najo 'laua.

Éxodo 9:26

Qam quedá'ogue dajo quiyi 'laua Gosén qaca aca 'oonole qalachi taalec yí'maq neetalec so Israel llaalqaipi.

Éxodo 9:4

Qam ñi qara'gaxala' ỹoỹooteta'oga ma'le na laloipi na Israel llaalqaipi quena laloipi na Egipto laseripi, qaiyi qaica ca ileu quena lalo na Israel llaalqaipi.

Amós 4:7

Qai'neeta so'uet quiyim qaica ca ỹaxat na' saqa'lecaua tres shiriguiri quiyim qanaqat na nanecsec. 'Vii naua na'aate' 'ue nqaishin na ỹaxat, qam quena liỹa, ca' qaica nqaishin ca ỹaxat; 'ue na no'ueenaxa ta'ñi na ỹaxat, qam quena liỹa, ca' ỹaso, ma' qaica ca huaxaỹaq;

Colosenses 1:13

Ñi qota'a naqata'alo qomi' na'le queso napalaxa qaratoiquentac, ca inoxonaqta'alo qomi' da lo'ueenataxanaxac so lqo'itaxat llaalec,

Josué 24:7

Ca' so qomyipi na' roỹaxanot najo ra'gaxalari, ca ỹim sa'ue so napalaxa lodegaxat pa'aata'gue nqaishin da hueeta'gue so Egipto laseripi. Chaqai so'uet quiyim taalec so huaxaỹaq caso huaaxai so Egipto laseripi, ca' polec nqai'en. Ca' qamiri huañichigui dá'maq so'uet na'le quiyi Egipto. Ca na' ime dajo, ca' qamiri shi'gom quiitalec yi 'laua qaica qom,

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.