Éxodo 10:22 - La'qaatqa ñi qota'olec Qota'olec & Qota'olec Novita Na Qomyipi

²² Ca' so Moisés ỹachaxanshiguim da lqai'laxat quena piguim. Ca 'uo' so napalaxa chalego lecaic quiyá'ogue yi Egipto.

Éxodo 10:22 Iomraidhean Croise

Éxodo 20:21

Ca na' ñaqai qoỹoqote'oga so qomyipi, ca' so Moisés nqo'neu'a so napalligui naueguelec só'maq hueetaugui ñi qota'olec. (20.22-26 Da naqataxaquipi quena' qaro'ueenataxanlec ada ncopatoxonaxalate.)

Joel 2:2

Cajo na'xa'a chalego ma'le ca napalaxa; cajo na'xa'a naueguelquetañi chaqai la'alchiguiñi. Ana piñai 'ec na 'xoic nouaataxanaq nalauataxai quelec neuagaxajlec ana qa' ladocai, 'ec na lauaq quena' richiguiñi. Se ỹauanapega qaiuana dajo, chaqai qaica ma' qaiuana quet cá'maq 'nejem dajo.

Joel 2:31

Chaqai añi ra'aasa napalligui ma'le, chaqai ñi shiraigo 'ec na leuoripi ma'le, ma' saqa' novi' ca na'xa'a ñi qara'gaxala'. Cajo na'xa'a chalego da lecaic chaqai da lichic.

Amós 4:13

Ñi qara'gaxala' ñí'maq ỹo'uet ana qa' ladocai chaqai na nonot, ñi'maxare ỹa'deenaxanaxaneguelo naua na'deenaxaco na qom, ñí'maq ñigui pe nqai'en yi na'xa'a, ñí'maq quelgoto nauá'maq paguec qoỹoqoshi'meguelo quena 'laua, ñi qara'gaxala', ñi'maxare qota'olec sqaica lqalanec, ca' chaqaida dá'maq dajo leenaxat.

Amós 4:7

Qai'neeta so'uet quiyim qaica ca ỹaxat na' saqa'lecaua tres shiriguiri quiyim qanaqat na nanecsec. 'Vii naua na'aate' 'ue nqaishin na ỹaxat, qam quena liỹa, ca' qaica nqaishin ca ỹaxat; 'ue na no'ueenaxa ta'ñi na ỹaxat, qam quena liỹa, ca' ỹaso, ma' qaica ca huaxaỹaq;

Apocalipsis 16:10

Ca' so liỹa nelaatec piguim le'ec co'taxachigui aso 'taxaqui, ỹocorelec yi nqa'xanqa' quiyim nashi so isecỹac lodegaxat, ca ná'maq loiquenatec so'maxare hueetaugui na napalaxa. Ca' na qomyipi chi ỹa'que'ta na laqa' quena nqui'ic.