Éxodo 10:2 - La'qaatqa ñi qota'olec Qota'olec & Qota'olec Novita Na Qomyipi

² chaqai qaiyi qami' 'qaataxañita ma'le ca qachaalaxai'pi chaqai ca qauachi'ipi dá'maq shinta'gue quiyim seualaxaintac na Egipto laseripi, chaqai ná'maq chalego lecaic ỹo'uet da ne'laxa iuanchigui nqaishin na'maxare, qaiyi ya'yiiñii qamiri ma'le quiyim aỹim ná'maq ỹim na'gaxala'.

Éxodo 10:2 Iomraidhean Croise

2 Samuel 7:22

Ca' qami' ỹa'gaxala', ¡chalego dá'maq lecaic qami'! Ma' qaica cá'maq 'nejem qami', qaica ca liỹa ỹoiquentac ná'ogue, qaqamite'. Ma' chaqaida dá'maq qomá'ogue sa'xaiqachigui na'le.

Salmos 71:18

Qami' qota'olec caỹim, totaxan yalachi'o', 'eno'm ma' mashic ỹim qo'xoỹom chaqai 'xoic aca ỹalagaxai, ma' sahotaque sa'xatetac dá'maq chalego lecaic rquesaxanaxa'e', sa'xatetapeguem najo qomyipi chaqai ca ñaqai naata.

Éxodo 14:18

Ca ma' sachaxanem da iquesaxanaxa na Faraón chaqai quena lahoglenaipi chaqai quena shipiguiripi, ca' na Egipto laseripi ỹa'den ma'le quiyim aỹim na'gaxala'.

Éxodo 14:4

Ca' ỹim so'uet ma'le quiyim ñi Faraón ra'ñii añi le'taxanata, ca' co'uajlgoto qamiri ma'le. Ca' quiyi hua'ñi ma'le, ca sachaxanem ñi'maxare da iquesaxanaxa chaqai qai'neeta ná'ogue na nalliripi. Qaiyi ỹa'den ná'ogue na Egipto laseripi quiyim chaqaỹim ná'maq ỹim na'gaxala'. Ca' chaqaida 'ne'tegue so Israel llaalqaipi.

Éxodo 7:17

Vichiguiño' ñi qara'gaxala' 'naac caqami': Nagui, ca' ya'yiiñi' ma'le quiyim aỹim na'gaxala'. Nagui ma' souaxanñigui na huaxaỹaq cana lachiugue cana ỹashilete llo'qoota'a, ca' najo huaxaỹaq ñigui leuoripi ma'le.

Éxodo 8:6

Ca' so Aarón quelec nqai'en sá'ogue so huaxaỹaq quiyi Egipto. Ca chicqañigui ana piyiloxoloxo, ca' no'xalec yá'ogue yi 'laua.

Joel 1:3

'Qaataxañiỹalo naua qachaalaxahi quedajo chaqai caua'maxare ra'qaataxanalo caua llaalqa, chaqai cauá'maq llaalqa ra'qaataxanalo cauá'maq dalaxaic ne'qa'iñi ma'le.

Efesios 6:4

Chaqai qamiri ma' qamiri neta'al, sqai 'ooqochichii' caua qachaalaxahi. Ta'ta'a quiyim naquetashi'me' nqai'ñii da no'uen na'deenataxanaxac, paxaguiñita'gue quiyim huelec so qara'gaxala'.