Éxodo 10:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca co'na' so Moisés inoxonec quiñi lauo' so Faraón, ca' nqouagaxainot ñi qara'gaxala'.

Éxodo 10:18 Iomraidhean Croise

Éxodo 10:19

Co'na'le, ca ñi qara'gaxala' ỹoỹoota'a nqai'en da taigue ca nonot, ca' ñigui nqai'en so nonot quesaxanaxaic, chicqa'gue da lauashiguim. Ca i'xat sá'ogue aso piñai, ca taañigui nqai'en aso huaaxai, leenaxat huaaxai toc. Ca' quiyá'ogue yi Egipto qaca aca piñai no'ueenañi.

Éxodo 8:12

Ca' so Moisés chaqai so Aarón inoxondec quiñi lauo' so Faraón. Ca na' ime, ca' so Moisés ỹashiila ñi qara'gaxala' quiyim loỹoote'oga ana piyiloxoloxo quiyi la'a' so Faraón.

Éxodo 8:8

Co'na'le, ca so Faraón roỹaxane'ogalo' saua Moisés chaqai so Aarón, ca 'naaco': —Nqouagaxaiñiỹot ñi ra'gaxalari qota'olec, qaiyi naqat caỹim chaqai quena iuo' laseripi ana piyiloxoloxo. Ca saxanec ma'le na qauori quiyim ỹo'uet aca lachitaxanataxanqate, ca ỹaanot ñi'maxare.

Éxodo 8:9

Ca' so Moisés 'naaco' queso Faraón: —Hua', nagui 'ñirapiguiỹa' lagui vi'saque quiyim sashiilaxanlec qami', chaqai na rotaua'e'ipi, chaqai na qauochi', qaiyi eec ana piyiloxoloxo quena ra'aachi' chaqai quena rotaua'e'ipi, ca' qanaata ana lachiugue hueetañigui.

Mateo 5:44

Qam ỹim shinac caqamiri, 'xoriñii ca npa'guenaxauahi, chaqai no'uen cá'maq naxailec cá'maq ishiuenta'pe qamiri, 'maxachii'tegue cá'maq qamiri loquiiqate', nqouagaxaiñitalec cá'maq ishiuenta'pe chaqai se ỹa'maxata'que qamiri.

Lucas 6:28

chaqai shiilaxañilec queca no'uen quecá'maq rashiilaxantalec qamiri queca se no'uen, chaqai nqouagaxaiñitalec ná'maq rishiviñitac.