Éxodo 10:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Ca' so Faraón chaqa'ma' roỹaxane'ogalo saua Moisés chaqai so Aarón. Ca 'naaco': —Ỹim 'ue da ỹasauaxaset quiñi qota'a ñí'maq ra'gaxalari chaqai caqamiri.

Éxodo 10:16 Iomraidhean Croise

2 Samuel 19:20

Ma' ỹim ña'deenalta' quiyim 'ue da ỹasauaxaset. Ca ỹim ná'maq ña'auetec quena na'xa'a quiyim shica'guit qami' ỹashi quiyá'ogue yi llaalqaipi so José.

Éxodo 8:25

Co'na'le, ca' so Faraón roỹaxane'ogalo saua Moisés chaqai so Aarón. Ca 'naaco': —Mohi, quiipegue' ca qota'olec. Vigaxachii aca rachitaxanataxanqachii, ca 'ỹaañiỹot. Qam sqo quiỹa'e najo 'laua.

Éxodo 8:8

Co'na'le, ca so Faraón roỹaxane'ogalo' saua Moisés chaqai so Aarón, ca 'naaco': —Nqouagaxaiñiỹot ñi ra'gaxalari qota'olec, qaiyi naqat caỹim chaqai quena iuo' laseripi ana piyiloxoloxo. Ca saxanec ma'le na qauori quiyim ỹo'uet aca lachitaxanataxanqate, ca ỹaanot ñi'maxare.

Éxodo 9:27

Ca' so Faraón roỹaxane'ogalo' saua Moisés chaqai so Aarón. Ca 'naaco': —Ñauatalta' quiyim 'ue da so'maqajantac, qam chi ỹasauaxaset chaqai na iuo' laseripi. Mesqaiñi ñi ra'gaxalari.

Números 21:7

Ca quepegue'o' ca neeta'ñi so Moisés. Ca 'naaco': —¡'Uo' da qarasauaxaset, ma' qomi' se no'uen da sa'xatqatac quiñi qara'gaxala' chaqai caqami'! Ca ¡'maxaraic quiyim shiila'e' ñi qara'gaxala' quiyim naqata'a coqomi' na nanaiquipi! Ca' so Moisés ỹashiila ñi qara'gaxala' quiyim sqai caapeguem so Israel llaalqaipi.

Números 22:34

Ca' so Balaam 'naaco' queso lelaatec ñi qara'gaxala': —'Uo' ca ỹasauaxaset, ca' se sa'den quiyim viisa'ñi yi'maxare qachisa'ñigui na nayic. Ca no'm sqai 'maxariñi' quiyim shic, ca' sopil.

Mateo 27:4

Ca 'naaco' quesaua'maxare: —Ỹim 'ue da ỹasauaxaset, ma' saañiguit da lelauaxa so ỹale qaica ca ỹasauaxat. Qam saua'maxare 'neraco': —Dajo coqomi' ¿negue' quet cá'maq 'negue? Ma' ¡dá'maq dajo chi rasauaxashichi'!

1 Samuel 15:24

Co'na'le, ca' so Saúl 'naaco' queso Samuel: —Ajá'a, llic quiyim 'ue da ỹasauaxaset, ma' ỹim se ipaguigui nqaishin da la'qaatec ñi qara'gaxala' chaqai da rapaxaguinataxanaxaqui', ma' yo'cha'a na qomyipi, ca' ña'xaỹaxana quedá'maq ỹahotaque.

1 Samuel 15:30

Ca' so Saúl 'naaco': —Ỹim 'ue da ỹasauaxaset. Qam nagui qouaquiric iuanchigui nqai'ñi' ná'ogue na qo'xoiquipi chaqai quená'ogue na qomyipi quiyim qaiyiita se napaquirailec quiyim ỹim nashi. Ca' vichiguiño' rapilli' quiyim ñauequeta'pegue' qami', qaiyi ñqouagaxainot ñi ra'gaxalachi' qota'olec.