Éxodo 10:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' so Moisés ỹachaxanshiguim da lqai'laxat, quelec nqai'en yi Egipto. Ca' ñi qara'gaxala' ỹo'uet quiyim nanac so nonot chicqo'tegue da lqodoigue, ca' quelec nqai'en yi 'laua Egipto sá'ogue so na'xa'a chaqai sá'ogue so pe. Ca' queso liỹa nete'e, ca' so nonot lqodoiguesec noviraxato' aso piñai.

Éxodo 10:13 Iomraidhean Croise

Génesis 41:6

Ca lotqai co'uaataxansashiguim saua liỹa' siete nasoolqa roỹapitem' chaqai qaỹashiviaxate' quena nonot lqodoiguesec.

Salmos 148:8

¡Na nqai'legaxa chaqai ana qalachi, loñi nacañi chaqai na neue'! ¡Na nonot quesaxanaxaic ná'maq ipacqajanchigui da nelaataxac!

Éxodo 14:21

Ca' so Moisés ỹachaxanshiguim so lqai'laxat nalojlec nqai'en aso huaaxai, ca' ñi qara'gaxala' nela' so quesaxan nonot chicqa'gue da lqodoigue, naquetac quesá'ogue so pe. Ca' shicchigui nqai'en aso huaaxai, ca' chaqaido' da 'neeta na'le, ca' ñi qara'gaxala' ñigui nqai'en aso huaaxai 'laua rashivijlec.

Proverbios 30:27

ana piñai qaica ca lashi, qam lapo'ojta' quena' eec;

Jonás 1:4

Qam ñi qara'gaxala' ỹo'ueeto' quiyim npe'taxanshiguim so nonot quesaxanaxaic. Ca co'na' mashic qoyiuetañigui aso huaaxai, ca' novi' so chalego lquesaxanaxa nonot, ca' mashic 'ec sham conaqta'gue aso huaxaỹaqse.

Jonás 4:8

Ca co'na' nenoxonshiguim aso ra'aasa, ca' ñi qota'olec nac nqai'en so nonot pa'e chicqa'gue da lqodoigue. Ca so'maxare tajlec so npa'ỹaaxa, ca' chita'co' quen ileueta, ca' ỹahotaco' quiyim ileu. Ca 'naaco': —Paguec la'maxa queta' yileu, mesqai 'nejem quiyim yca'leetauec.

Mateo 8:27

Ca quedá'maq le'laqa' saua ỹale', ca 'neraco': —¿Nega'ỹo' dá'maq dajo ỹale, ma' vire'ta na nonot chaqai ana huaaxai na'xaỹaxane'ta?