Éxodo 1:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qam só'maq Israel llaalqaipi co'o, ca ỹaatqajam 'xoic na llaalqaipi noquiiquetauec, vire'to' na' 'ue da lquesaxanaxa. Ca sham yá'ogue yi 'laua no'xalec quena'maxare.

Éxodo 1:7 Iomraidhean Croise

Génesis 1:20

Co'na' ime, ca 'naaco' ñi qota'olec: Quiyim na huaxaỹaq ñaxatec nqai'en ná'ogue nanchaqaina iseripi huaxaỹaqseripi, chaqai quiyim 'ue ana qo'o ỹootac quena 'laua. Ca chaqaida 'neeta na'le.

Génesis 1:28

Ca' ỹaanouguilo da no'uen la'qaatec, 'naaco': 'Xoic, ỹaatqajam 'xoic nqai'ñii ca qachaalguii; no'xataxachijlec na 'laua chaqai 'viiquiñitac; chaqai 'viiquiñitac na nalliñipi chaqai na ỹoipi, chaqai ná'ogue na iseripi nqai'queetegueri'.

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Génesis 13:16

Ỹim ỹaatqajam 'xoic nqaishin ca'maxare, 'nejem na lamoxoỹaxa na 'laua. Ca 'nejem quiyim se qaishit qanaloqochin na namoxoỹaxa, ca' qai'neeta se qaishit qanaloqochin ma'le ca qachaalaxai'pi.

Génesis 15:5

Co'na'le, ca' ñi qara'gaxala' ỹauegueco' so Abram. Ca 'naaco': —Ỹaatqajam 'ajñite' na piguim, ca naloqochiñi' ana huaqajñi, no'm shichi' naloqojñi'. Ca chaqaica ỹorete' caua qachaalaxahi' ma'le.

Génesis 17:16

Ỹaatqajam yqouaguegue añi'maxare, ca' sa'ue ca qachaalqui' chicqochigui nqaishin añi'maxare. Ajá'a, ỹaatqajam yqouaguegue ma'le. Ca añi'maxare late'e ma'le na ỹoreta'oguit qomyipi, chaqai ca llaalqaipi nashillipi ma'le quena ỹoreta'oguit qomyipi.

Génesis 22:17

ỹaatqajam 'xoic ca iqouagaxa caqami' ma'le. Chaqai 'xoic nqaishin ma'le ca qachaalaxai'pi, 'nejem ana huaqajñi hueeto'ot na piguim; chaqai 'nejem na lo'uaxanaxa hueeto'oto naua lahil ana lachiugue. Chaqai ca'maxare sqaica lovi' nqai'en na npa'guenaxauaripi.

Génesis 26:22

Ca' so Isaac eec qoỹoqo'tegue da taigue quiyi'maxare, ca lotqai ni'ỹa aso liỹa ni'ỹa. Ca' mashic tot qanco'uagui aso'maxare. Ca' ỹanegue leenaxat neuagaxa, ma' 'naaco': Nagui ñi qara'gaxala' ỹo'uet da qareuagaxa quena senqata'ñi quiyim ñqo'naxashiguim.

Génesis 26:4

Ca' ỹaatqajam 'xoic nqaishin ma'le ca qachaalaxai'pi 'ec ana huaqajñi quena piguim, ca' saanem ma'le ná'ogue najo 'laua. Chaqai ná'ogue na ỹoreta'oguit qomyipi quena 'laua 'ue ma'le ca la'maxa chicqochigui ma'le ca qachaalaxai'pi.

Génesis 28:14

Ca ca'maxare ỹovireta'a ma'le quiyim ỹaatqajam 'xoic, 'nejem na lamoxoỹaxa na 'laua, ca' neuagaxajlec ma'le da rapiguim chaqai da 'guiñi chaqai da lqodoigue chaqai da lauashiguim, chaqai ná'ogue na qomyipi quena 'laua chicqochigui da nqouagaxa qami' ma'le chaqai na qachaalaxai'pi.

Génesis 35:11

ca 'naaco' queso'maxare: Ỹim ná'maq ỹim qota'olec sqaica lqalanec; 'xoic ma'le ca qachaalaxai'pi chaqai ca qauachi'ipi. Qami' chicqochigui ma'le ca 'xoic ỹoreta'oguit qomyipi, ca' queca qachaalaxai'pi 'ue ma'le ca chicqaugui nashillipi.

Génesis 46:3

Co'na'le, ca ñi qota'olec 'naaco' queso'maxare: —Ỹim qota'olec, nqota'olec so qataa'i', qaica ca ro'chi'saque quiyim 'itegue da Egipto. Ma' chaqaiyi hua'ñi ma'le quiyim ñoquiigaxatec na qachaalaxai'pi, ỹaatqajam 'xoic nqaishin.

Génesis 47:27

Ca' so Israel llaalqaipi naalec yi Egipto, ỹa'ue la'a' quiyi 'laua leenaxat Gosén. Ca quiyi'maxare, ca' nqo'neuec, ca ỹaatqajam 'xoic.

Génesis 48:16

ñí'maq qota'olec lelaatec piguim le'ec, ñí'maq ro'ootaxanteguelec aỹim quená'ogue na se no'uen, ñi'maxare no'ueenaxat ca llicyaxague' nauajo ñaaqolqa. Chaqai quiyim chicqochiguilo naua'maxare quiyim se qaicoua'e da ỹeenaxat chaqai da leenaxat so ỹapi' Abraham chaqai so ita'a Isaac. Chaqai quiyim 'xoic ca llaalqaipi naua'maxare quena 'laua.

Génesis 48:4

Ca da la'qaatec 'neetasa': “Aỹim saanem ma'le qami' ca 'xoic qachaalaxai'pi. Ca' cajo qachaalaxai'pi chicqaugui ca ỹoreta'oguit qomyipi. Chaqai cajo qachaalaxai'pi saanem quiyim lalamaxaret ma'le najo 'laua, qaica ca rouootaxana'gue.”

Génesis 9:1

Ñi qota'olec ỹaaneco' da no'uen la'qaatec queso Noé chaqai quesaua llaalqa, 'naaco': —Ỹaatqajam 'xoico' nqai'ñii ca qachaalguii, no'xataxachijlco' na 'laua.

Salmos 107:38

Ca ñi'maxare nqouaguegue, ca' nqo'neuec nqai'en so ni'ic, chaqai se naqaguiñi, ta'ta'a quiyim nqo'neetauec nqai'en so laloipi.

Éxodo 1:12

Qam co'na' paguec nqo'neuec da nqa'viic, lotqai nqo'neuec na llaalqaipi. Ca' so Egipto laseripi nqo'neuec da lqolonaxa.

Éxodo 12:37

Ca' so Israel llaalqaipi co'na' eec, ca'e yi Ramsés que'tegue yi leenaxat Sucot. So'maxare 'uo' ca sham ỹovi' seiscientos mil ỹalliripi co'ueetañi mashic ỹovite' yaua niñaxari quiyim taho quena nouaataxanaq. Qam se qanaloqochin ana 'aalo chaqai na ñaaqaipioqui'.

Éxodo 5:5

Chaqai qai'neeta 'naaco' so Faraón: —Nagui mashic 'xoic na Israel llaalqaipi quenajo 'laua, ca' ¿sham ỹaxanñi nqai'ñii da lo'ueenataxanaxac?

Ezequiel 16:7

Ca' da qachaxataxaqui' 'ec nqaishin ana qo'paq quena no'ueenaxa. Ca nqo'ñi'sashiguim, ca chi ỹoviretalec quiyim qami' late'ogue', ca' ỹaatqajam qami' 'aalo. Naua ro'viichi' ỹaatqajam ỹiqueterec, chaqai na qavi'i' ñaxat, qam ỹaatqajam ñi'sauec.

Hechos 13:17

Ñi qota'olec quena qomyipi Israel laseripi, ñi'maxare chi lca'acsec so 'auaxaic qareta'allipi chaqai ỹo'uet quiyim noquiiguec so qouo' laseripi co'na' ñaqai neeta'ñi yi ỹoqa'a 'laua Egipto. Ca co'na' ime, ca naqatec, ca'e nqai'en yi 'laua, ỹahote'e da lquesaxanaxa.

Deuteronomio 26:5

Ca ma'le, ca' qami' taxahi' 'qaachigui qami' ñi qara'gaxala'. Ca 'ñiracsa': Saua 'auaxaqa ita'al sqo vito'olqai' arameo lase' chaqai huoxoiquipi, ca' chi ỹovireta'a na'le yi Egipto. Ca' quiyi, ca na'ñi, chi ỹovireta'a quiyim nqo'neuec, ca' 'xoic, ca 'ue da lquesaxanaxa.