Éxodo 1:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca ỹaatqajam qaỹa'ue da le'xoric quena' ỹo'uet nqohin na nishaaxa chaqai na losoc chaqai ná'ogue na liỹa no'ueenatec hua'oga na no'ueenaxa. Chaqai ná'ogue ná'maq resalli qaỹamaxalec, se qai'xoren.

Éxodo 1:14 Iomraidhean Croise

Génesis 15:13

Co'na'le, ca qohinapego' quiñi qara'gaxala': —Qami' 'yiiñi' quiyim ma'le ca qachaalaxai'pi ỹoqa'a ma'le ca neetalec 'laua, ca na'aquipi ma'le chaqai se qaỹa'maxata'gue, ỹoviraxaterauec caua cuatrocientos ñaxari.

1 Reyes 12:14

Ca' ỹopilaxachichigui quiyim 'naac dá'maq qohinapego' na'le queso ne'naqaipi, 'naaco': —So ita'a Salomón ỹaatqajam resalli dá'maq inaxalgoto qamiri na'le, qam ỹim paguec lesallaxa nqaishin dá'maq senaxalgoto qamiri. Chaqai no'm ỹouaxane' qamiri, ỹodoota'alo ca ñic, qam ỹim soda'alo qamiri ma'le ca nouaxanaxanaxat 'ue ca lo'losec lecat lahi.

Éxodo 1:11

Co'na'le, ca' na Egipto laseripi ỹa'ue na neloxoỹaq, qaiyi se ỹala'gue quiyim ro'ueenataxan nqai'en, no'xoñishiguim nqai'en naua na'aate' quiyi Pitón chaqai yi Ramsés, la'maqataxanqa'o' quena' ỹa'maxat na na'ic so Faraón.

Éxodo 1:13

Ca' so Egipto laseripi nqo'neuec da lqa'viic quena' ila' so Israel llaalqaipi.

Éxodo 1:15

Só'maq nashi quiyi Egipto qai'neeta retaxaỹa'pegue' aso Sifra chaqai aso Fúa sauá'maq ncochaaxal cana 'aalo hebreo lasellipi. 'Naaco' quesaua'maxare:

Éxodo 2:23

Ca co'na' mashic 'vii saua ñaxari, ca ileuo' so nashi quiyi Egipto. Qam so llaalqaipi so Israel ñaqai queeta nqohin da le'xoric, ma' na'aquipi. Co'na'le, ca' ñi qota'olec 'xaỹa da noỹenaxac.

Éxodo 20:2

—Ỹim ná'maq ỹim ra'gaxalari qota'olec naqaterec qamiri na'le quiyi Egipto na' qamiri na'aqa.

Isaías 14:6

ñí'maq ỹahotaque na nouaxanaxaset na ỹoreta'oguit qomyipi quena 'laua paguec da lauel, ca' se nco'majñi ỹouaxantac, pataxañi na qomyipi quena lauel chaqai rocanaxantapigui se i'xoren.

Isaías 58:6

Qam mesqaida. Ma' cá'maq qopaaqataxac yqo'ta 'neetasa': quiyim qaỹachipiaxate' daua lequeete' da se no'uen chaqai qaỹosoguilo naua motel naua nequeetenaxanaxat ỹauego; chaqai quiyim qoỹaxanec ná'maq 'xoic na le'xoric chaqai 'xañiriñi ná'ogue ná'maq chicqaugui da nqa'viic;

Miqueas 3:3

Nca'leetauec, qam netaguitauec na ỹalamaxareteripi, no'chiguitauec na loshicmaxa chaqai qaguichiguilo naua lpi'naqa; mashic 'ñiita'gue ca la'at, qaỹahotaque qainaxañigui aca 'ueena.

Hechos 7:19

Sojo nashi ỹayin so qouo', se ỹa'maxata'gue so 'auaxaic qareta'allipi, 'naapega quiyim ỹalat na llaalec chita'gue ne'qaañi, qaiyi chi nanoiquentac ileu.

Hechos 7:34

Ma' ỹim seuana da nqa'viic yi ỹalamqateripi neeta'ñi yi Egipto, sa'xaỹa da laualaxac. Ca vichiguiño' yinotegue'sop, sahotaque ñaqata'a. 'Anta, ma' selachitegue ma'le da Egipto.”

Deuteronomio 26:6

Qam so Egipto laseripi se ỹa'maxata'guelo qomi', ỹaatqajam 'ue da lqa'viic coqomi', ca 'xoic nqai'en da qare'xoric, ma' qomi' la'aqa.

Rut 1:20

Qam aso'maxare 'naaco' quen queso qomyipi: —Sqai 'ñiỹac quiyim aỹim maqachaqai. 'Ñiỹaco' quiyim aỹim chicoxoi, ma' ñí'maq qota'olec ñí'maq sqaica ca qalanac 'xoic nqai'en da ỹachicoxo.