Éxodo 1:12 - La'qaatqa ñi qota'olec Qota'olec & Qota'olec Novita Na Qomyipi

¹² Qam co'na' paguec nqo'neuec da nqa'viic, lotqai nqo'neuec na llaalqaipi. Ca' so Egipto laseripi nqo'neuec da lqolonaxa.

Éxodo 1:12 Iomraidhean Croise

Génesis 46:3

Co'na'le, ca ñi qota'olec 'naaco' queso'maxare: —Ỹim qota'olec, nqota'olec so qataa'i', qaica ca ro'chi'saque quiyim 'itegue da Egipto. Ma' chaqaiyi hua'ñi ma'le quiyim ñoquiigaxatec na qachaalaxai'pi, ỹaatqajam 'xoic nqaishin.

Job 5:2

Nañaañichiguit da nqui'ic loqo'm da ne'xoric, da'maxare ỹaatqajam qaica ca 'negue, qam ỹaueca'a qami' da nelauaxa.

Salmos 107:38

Ca ñi'maxare nqouaguegue, ca' nqo'neuec nqai'en so ni'ic, chaqai se naqaguiñi, ta'ta'a quiyim nqo'neetauec nqai'en so laloipi.

Éxodo 1:20

Ca' chaqaida dá'maq 'neeto' na' nqo'neuec chaqai nqo'neetauec da lquesaxanaxa. Chaqai sauá'maq ncochaaxal 'ue da lqolonqa' quiñi qota'olec, ca ñi'maxare nqouagueque quiyim 'xoic nqai'en ca llaalqaipi.

Éxodo 1:7

Qam só'maq Israel llaalqaipi co'o, ca ỹaatqajam 'xoic na llaalqaipi noquiiquetauec, vire'to' na' 'ue da lquesaxanaxa. Ca sham yá'ogue yi 'laua no'xalec quena'maxare.

Éxodo 1:9

—Ñaqai 'ajñii, na Israel llaalqaipi paguec 'xoic chaqai paguec quesaxanaxaic coqomi'.

Números 22:3

Chaqai so qomyipi na'ñi yi Moab ỹaatqajam 'xoic da lqolonaxa na' idaana'guit so Israel llaalqaipi quiyim ỹaatqajam 'xoic.

Juan 12:19

Ca' na fariseoipi retaxaỹata', ca 'naaco': —Ñaqa 'ajñii qamiri quiyim mashic qaica ca qarishaaque, ma' mashic ná'ogue na qomyipi coỹareta'pegue' so'maxare.

Romanos 8:28

Sa'deenqata quiyim ñi qota'olec ỹaqatqajantari' ná'ogue nanchaqaina leloxoỹaxaquipi, ma' ỹahotaque ỹachigoxochichigui cá'maq ỹa'maqachiguiñi llicyaxac nqai'en ná'maq nqo'ta ñi'maxare, quená'maq loỹaxanqatecseripi quiyim ỹahotaque nca'laxatec.

Deuteronomio 26:5

Ca ma'le, ca' qami' taxahi' 'qaachigui qami' ñi qara'gaxala'. Ca 'ñiracsa': Saua 'auaxaqa ita'al sqo vito'olqai' arameo lase' chaqai huoxoiquipi, ca' chi ỹovireta'a na'le yi Egipto. Ca' quiyi, ca na'ñi, chi ỹovireta'a quiyim nqo'neuec, ca' 'xoic, ca 'ue da lquesaxanaxa.