Éxodo 1:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Co'na'le, ca' na Egipto laseripi ỹa'ue na neloxoỹaq, qaiyi se ỹala'gue quiyim ro'ueenataxan nqai'en, no'xoñishiguim nqai'en naua na'aate' quiyi Pitón chaqai yi Ramsés, la'maqataxanqa'o' quena' ỹa'maxat na na'ic so Faraón.

Éxodo 1:11 Iomraidhean Croise

Génesis 15:13

Co'na'le, ca qohinapego' quiñi qara'gaxala': —Qami' 'yiiñi' quiyim ma'le ca qachaalaxai'pi ỹoqa'a ma'le ca neetalec 'laua, ca na'aquipi ma'le chaqai se qaỹa'maxata'gue, ỹoviraxaterauec caua cuatrocientos ñaxari.

Génesis 47:11

Ca' so José ỹo'ueeto' na'laua, ỹaanemo' ná'maq paguec loyac quiyi 'laua Egipto, qaiyi naalec so'maxare, ipacqajanchigui dá'maq 'naaco' na'le so Faraón. Ca' so leta'a chaqai so lqaỹaripi 'ue na'laua quiyi 'laua Ramsés huaugui yi Gosén.

Éxodo 1:14

Ca ỹaatqajam qaỹa'ue da le'xoric quena' ỹo'uet nqohin na nishaaxa chaqai na losoc chaqai ná'ogue na liỹa no'ueenatec hua'oga na no'ueenaxa. Chaqai ná'ogue ná'maq resalli qaỹamaxalec, se qai'xoren.

Éxodo 2:11

Ca co'na' mashic sham qo'xoic so Moisés, ca 'uo' so na'xa'a eec, ra'piichiu'ga so lqaỹaripi chi lauo' laseripi. Ca retano' quiyim chalego lquesaxanaxa da lo'ueenataxanaxac. Co'na'le, ca iuane'to' so Egipto le'ec ỹouaxantac so chi lauo' le'ec hebreo le'ec.

Éxodo 3:7

Qam ñi qara'gaxala' queetalco' dá'maq ỹa'xatetac, 'naaco': —Ỹim ỹaatqajam seuanchigui da le'xoric yi ỹalamaxareteripi neeta'ñi yi Egipto. Sa'qaatapega quiyim se nqo'ta dá'maq qohinta'gue quená'maq neloxoỹaq quena no'ueenataxanaq, chaqai sa'deenta dá'maq le'xoric.

Éxodo 5:10

Ca' so idaaneguelec chaqai so lashillipi so qomyipi eec, ca 'naapega so qomyipi: —Ñi Faraón 'naac coqomi' quiyim tot qoỹaante'ema qamiri nagui na 'uaqapi.

Éxodo 5:15

Ca' na la'gaxala' da no'ueenatec queso Israel llaalqaipi eec quepegue' so Faraón. Ca' 'naapega, 'naaco': —¿Chi'neco' dá'maq 'ñitetegue quená'maq najo relaataxai'pi?

Éxodo 5:8

Qam 'ñiỹapego' quiyim se naqaguiñi nqai'en ca lo'ueenatec liỹorete' ca losoc. ¡Quenagui se naqaguiñi ca 'oonoqui' losoc! Ma' na'maxare hualaiquipi, chi ỹaualqatagui, 'naac: “Qolaq, so'ueetaq aca qarachitaxanataxanqate, savigaxataq, ca' saanqot ñi qota'olec coqomi'.”

Deuteronomio 26:6

Qam so Egipto laseripi se ỹa'maxata'guelo qomi', ỹaatqajam 'ue da lqa'viic coqomi', ca 'xoic nqai'en da qare'xoric, ma' qomi' la'aqa.