Ester 9:22 - La'qaatqa ñi qota'olec Qota'olec & Qota'olec Novita Na Qomyipi

²² Ma' sojo na'xa'a viichigui na' so judioipi ỹoỹoote'oga so npa'guenaxauaripi, chaqai ma' sojo shiraigo viichigui so chalego lecaic nachicoxo chaqai so naualaxaquipi queda nqui'ic, ca' ñigui queso judioipi toonaxac chaqai nemaqachic. Ca' quesauajo na'xata', ca' qaỹo'uet ca nqui'ỹaxac chaqai ca toonaxac, chaqai nachijta', chaqai ỹa'ue na lame quena 'xoraiquipi.

Ester 9:22 Iomraidhean Croise

Ester 9:19

Qam na judioipi quená'maq na'aate' leta'al chaqai quenaua na'aaterolqai' quená'maq sqaica ca lquepaxaset, ca ỹo'ueeto' quen ca lemaqachic, illiichigui yi na'xa'a catorce quiyi shiraigo Adar, ca 'xoico' quen da toonaxac queso nemaqachic, ca' quiñi 'óna ỹa'ue ca lame queca liỹa.

Ester 9:21

Qohinapega quiyim ỹo'uet sojo nemaqachic quena' ỹovire'ogalo saua na'xata' catorce chaqai quince queso shiraigo Adar quena' ỹovirec yi ñaaxa.

Ester 9:23

Ca' so judioipi ñigui nemaqachic na'xa'a nqai'en dajo chaqai dá'maq ỹiriño' na'le so Mardoqueo.

Salmos 103:2

Semaqachin ma'le ñi qara'gaxala' quedá'ogue da ñachaalataxac; se scoua'ahi naua lqouagaxaco caỹim.

Isaías 14:3

Qamiri qomyipi quena Israel, ma' nco'mataxandec qamiri ñi qara'gaxala' quena re'xoriguii, da reueetaxanaxahi queda nqa'viiguii dá'maq viriỹau'a na' qamiri na'aqa,

Mateo 5:4

Ỹaatqajam chalego la'maxa ma'le cá'maq 'ue ca lachicoxo, ma' ñi qota'olec ỹa'maxagui lauel nqai'en ca'maxare.

Lucas 11:41

Ca' vichiguiño' qamiri quiyim chitaxanataxañii, qam 'ỹaañiuec cá'maq pa'aauo, qaiyi ná'ogue co'teeta.

Gálatas 2:10

Ta'ta'a quiyim qatalo qomi' quiyim se scouaqa'e na 'xoraiquipi, qam dajo chaqaida dá'maq 'xoic iuogoxo quiyim so'uet.

Deuteronomio 15:7

No'm 'ue ca 'xoraic quena ra'aayaxaua'e'ipi chaqai quená'maq na'aateripi quená'maq 'laua ỹaanema qamiri ñi qara'gaxala', 'neeto' qami' qa'uaic quiyim 'ue ca qauochi' le'ec 'ue ca louenaxanaxa.

Apocalipsis 11:10

Ca ná'ogue na qomyipi quena 'laua netoonta'peguelo quiyim qaỹalauate' saua'maxare. Ỹaatqajam chalego da netoonaxac, vire'ta quiyim quiñi 'óna ỹa'ue ca lame ilata ca liỹa, ma' sauajo ỹale' ỹa'xatesac da la'qaatec ñi qota'a, ca' saua'maxare ỹaatqajam 'ue da nqui'ic nqai'ne' quena qom.

1 Samuel 25:8

Ca' qami' shichi' nataxañi' quena relaataxai'ipi, ca na'maxare ỹa'xat ma'le cá'maq ỹaatqajam lliqueta. Vichiguiño' nagui ñi'xoresene'tot qami' quiyim rqouaquiteguelo naua ne'naqa ma' 'maxaraic da loviraxague'. Ca' qami' shichi' quiyim 'ue ca 'ỹaañitem naua'maxare chaqai aỹim quecá'maq ralo'isalec, ma' ỹim shintari' ca qachaalqui'.