Ester 9:2 - La'qaatqa ñi qota'olec Qota'olec & Qota'olec Novita Na Qomyipi

² Ca naua'que naua 'lauari reloqota'alo so nashi Asuero, na judioipi lapoota'ta' quena na'aateripi quená'maq neeta'ñi, quiyim ỹahotaque nalauate'e' ná'maq ỹahotaque nalauajñi so'maxare. Qam qaica ca ishit quiyim reloqoguit so judioipi, ma' ỹaatqajam 'xoic da lqolonaxa ná'ogue ná'maq ỹalequeta'guit ỹoreta'oguit qomyipi.

Ester 9:2 Iomraidhean Croise

Génesis 35:5

Ca co'na' eec sá'ogue so lauo' so Jacob, ca' ñi qota'olec ỹo'uet quiyim 'xoic da lqolonaxa sá'ogue so lauoraripi sqoỹoqaque quiyi'maxare. Vichiguiño' se qaỹocan so llaalqaipi so Jacob.

Ester 8:11

Ca' queso lerellipi hueetalec da la'qaatec so nashi, 'naapega sá'ogue so judioipi neetalgoto naua liỹa' 'lauari, quiyim lapoỹata' quiyim reloquilec dá'maq chi nachaalataxac, ca' ỹalauat ná'ogue na qomyipi chaqai nopoxoỹaxajñi chaqai nomachichiguiñi chaqai icona na louenqaipi ná'maq qomyipi 'ue na lo'goxonaxat quecanchaqaica qom loqo'm ca 'laua nalauate'e', se i'xoren aca 'aalo chaqai ca noctoqui'.

Ester 8:17

Chaqai quenaua'que naua 'lauari, na'aateripi chaqai quená'maq ỹovira'a da la'qaatec so nashi, ỹaatqajam 'xoic da netoonaxac na judioipi, ca ỹo'uet na lqui'ỹaxac chaqai na lemaqachic. Chaqai quená'maq qomyipi quiyijo 'laua 'xoico' na nanerougui na judioipi, ma' paguec da lqolonaxa quena judioipi.

Ester 9:10

Saua'maxare chaqaisauo' saua diez llaalqa so Amán, só'maq npa'guenaxaua na judioipi. Qam qaica ca qaicona quena louenqaipi.

Salmos 71:13

¡Ỹaatqajam 'ue da layiloxo chaqai na'laañi ná'maq pa'guentac da ñachaalataxac! ¡Ca 'xoic nqai'ñi' ca layiloxo quena liỹaripi ná'maq ỹahotaque quiyim 'ue ca sasougui!

Salmos 71:24

Chaqai vire'talo naua ỹa'qaatqa quiyim setaqatac, shinac quiyim qami' huagaxaraic, ma' ná'maq ỹahotaque sasougui ca se no'uen ỹaatqajam chalego na layiloxo.

Josué 2:9

—Ỹim sa'den quiyim ñi ra'gaxalari ỹaanema qamiri najo 'laua, ma' ñi'maxare ỹo'uet quiyim 'xoic da qarqolonaxa. Ma' ná'ogue ná'maq neeta'ñi najo ileuapeguem da lqolonaxa sauaxate' qamiri.