Ester 9:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Qam ma' so judioipi só'maq neeta'ñi yi Susa lapoota'ta' queso na'xa'a trece chaqai so catorce, ca' nco'matec queso na'xa'a quince. Qam qai'neeta ỹo'uet so nqui'ỹaxac chaqai 'xoic da na'maxa.

Ester 9:18 Iomraidhean Croise

Ester 8:11

Ca' queso lerellipi hueetalec da la'qaatec so nashi, 'naapega sá'ogue so judioipi neetalgoto naua liỹa' 'lauari, quiyim lapoỹata' quiyim reloquilec dá'maq chi nachaalataxac, ca' ỹalauat ná'ogue na qomyipi chaqai nopoxoỹaxajñi chaqai nomachichiguiñi chaqai icona na louenqaipi ná'maq qomyipi 'ue na lo'goxonaxat quecanchaqaica qom loqo'm ca 'laua nalauate'e', se i'xoren aca 'aalo chaqai ca noctoqui'.

Ester 9:1

Ca' so na'xa'a trece queso pa'aatec shiraigo quesaua doce shiriguiri, só'maq leenaxat Adar, ca' chaqaiso viichigui quiyim qaipacqajanchigui dá'maq dalaxaic la'qaatec so nashi, chaqai viichigui qai'neeta so na'xa'a quiyim ná'maq npa'guenaxaua so judioipi ỹahotaque doxonaxan, qam lotqai na judioipi loxonqaipi so'maxare.

Ester 9:11

Ca' chaqaiso so na'xa'a, ca' so nashi ỹa'deeno' ỹorete' só'maq qaỹalauat quiyi na'a' lodegaxat Susa.

Ester 9:13

Ca' aso Ester 'naaco': —No'm 'maxariñite', qami' ỹashi, chaqai no'm ỹa'maqachiguiñi nqai'ñi' quiyim na judioipi quiyim nete'e ỹo'uet ipacqajanchigui na 'maqataxac, ca' qaicoñitoto naua lqosoochi', ca' ỹaviquishiguim cada ncoñiitaxanaxalate yaua diez llaalqa so Amán.

Ester 9:15

Ca só'maq judioipi quesó'maq neeta'ñi yi Susa, lotqai liỹa lapoỹata' queso na'xa'a catorce queso shiraigo Adar, ca qaỹalauat so trescientos ỹalliripi liỹa, qam sqaica ca qaicona quena louenec.

Ester 9:2

Ca naua'que naua 'lauari reloqota'alo so nashi Asuero, na judioipi lapoota'ta' quena na'aateripi quená'maq neeta'ñi, quiyim ỹahotaque nalauate'e' ná'maq ỹahotaque nalauajñi so'maxare. Qam qaica ca ishit quiyim reloqoguit so judioipi, ma' ỹaatqajam 'xoic da lqolonaxa ná'ogue ná'maq ỹalequeta'guit ỹoreta'oguit qomyipi.

Ester 9:21

Qohinapega quiyim ỹo'uet sojo nemaqachic quena' ỹovire'ogalo saua na'xata' catorce chaqai quince queso shiraigo Adar quena' ỹovirec yi ñaaxa.