Ester 9:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca só'maq judioipi quesó'maq neeta'ñi yi Susa, lotqai liỹa lapoỹata' queso na'xa'a catorce queso shiraigo Adar, ca qaỹalauat so trescientos ỹalliripi liỹa, qam sqaica ca qaicona quena louenec.

Ester 9:15 Iomraidhean Croise

Ester 8:11

Ca' queso lerellipi hueetalec da la'qaatec so nashi, 'naapega sá'ogue so judioipi neetalgoto naua liỹa' 'lauari, quiyim lapoỹata' quiyim reloquilec dá'maq chi nachaalataxac, ca' ỹalauat ná'ogue na qomyipi chaqai nopoxoỹaxajñi chaqai nomachichiguiñi chaqai icona na louenqaipi ná'maq qomyipi 'ue na lo'goxonaxat quecanchaqaica qom loqo'm ca 'laua nalauate'e', se i'xoren aca 'aalo chaqai ca noctoqui'.

Ester 9:10

Saua'maxare chaqaisauo' saua diez llaalqa so Amán, só'maq npa'guenaxaua na judioipi. Qam qaica ca qaicona quena louenqaipi.

Ester 9:12

Ca 'naaco' caso nashi Ester: —Na judioipi ỹovi' quinientos na lalauatqaipi, chaqai ỹalauate' qai'neeta yaua diez llaalqa so Amán quena na'a' lodegaxat Susa. Chaqai ¿nega'ỹo' ca liỹa ỹo'uet quenaua liỹa' 'lauari quena seloqota'a? ¡Nagui, ca 'ñirac negue' cá'maq liỹa vi'saque, ca' saañiraxarom!

Ester 9:13

Ca' aso Ester 'naaco': —No'm 'maxariñite', qami' ỹashi, chaqai no'm ỹa'maqachiguiñi nqai'ñi' quiyim na judioipi quiyim nete'e ỹo'uet ipacqajanchigui na 'maqataxac, ca' qaicoñitoto naua lqosoochi', ca' ỹaviquishiguim cada ncoñiitaxanaxalate yaua diez llaalqa so Amán.

Ester 9:14

Ca' so nashi 'naac quiyim chaqaida qohine'tegue, ca lotqai qaiuagaxatec dajo quiyi Susa. Ca' qaicoñichishiguim saua loshicma' saua diez llaalqa so Amán.

Ester 9:16

Ca' na judioipi ná'maq neetalgoto naua liỹa' 'lauari, lapoỹata' queso na'xa'a trece quesojo shiraigo, ma' ỹahotaque quiyim reloquilec dá'maq chi nachaalataxac, qaiyi qoỹaxanñi quena npa'guenaxauaripi, ca' ỹalauato' so setenta y cinco mil queso'maxare. Qam sqaica ca icona quena louenqaipi. Ca' queso na'xa'a catorce, ca nco'matec, ca qaỹo'uet so nqui'ỹaxac, ma' 'xoic da toonaxac.

Ester 9:2

Ca naua'que naua 'lauari reloqota'alo so nashi Asuero, na judioipi lapoota'ta' quena na'aateripi quená'maq neeta'ñi, quiyim ỹahotaque nalauate'e' ná'maq ỹahotaque nalauajñi so'maxare. Qam qaica ca ishit quiyim reloqoguit so judioipi, ma' ỹaatqajam 'xoic da lqolonaxa ná'ogue ná'maq ỹalequeta'guit ỹoreta'oguit qomyipi.

1 Tesalonicenses 5:22

Sqa 'iỹapegueu'a ná'ogue ná'maq se ỹa'maxañi.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”