Ester 9:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Saua'maxare chaqaisauo' saua diez llaalqa so Amán, só'maq npa'guenaxaua na judioipi. Qam qaica ca qaicona quena louenqaipi.

Ester 9:10 Iomraidhean Croise

Génesis 14:23

quiyim aỹim qaica ca secona quená'maq qatooỹaqui', vire'ta ca 'iloqui', loqo'm ca lequet na ipela', qaiyi sqai 'ñirac quiyim qami' chicqo'ot ca isallaxa.

Génesis 34:27

Ca co'na' novite' saua liỹa' llaalqa so Jacob, que', queeterelec na hua'ñi na nalauatqaipi, ca qanouo' so na'a'. Ca' qaỹa'ue lovi' dá'maq ne'naxac aso lqaỹa' Dina.

Ester 3:1

Ca co'na' mashic shi'gom quedajo, ca' so nashi Asuero nqo'naxajshiguim queda lo'ueenataxanaxac so Amán, só'maq llaalec so Hamedata, so'maxare chigoxougui so Agag. Ca' so Amán qoỹanagui quiyim la'gaxala' na nashillipi.

Ester 3:13

Ca' ỹodo nqohin na lere lo'ollipi quiyim ỹoda'alo naua 'lauari quiyí'maq reloqota'a so nashi. Ca' ana lerellipi hueetalec quiyim qanomachichiguiñi qanalauajñi queca 'oonoqui' na'xa'a na judioipi, 'eno'm ne'necoqui', loqo'm qo'xoiquipi, ñaaqaipioqui', loqo'm 'aallipi. Chaqai qarouootaxana'gue na louenqaipi. Ca' so na'xa'a naloqojnec chaqaiso so na'xa'a trece queso pa'aatec shiraigo queso ñaaxa só'maq leenaxat Adar.

Ester 5:11

Ca' retaqatecto ỹa'xatetac da lesallaxa, chaqai quiyim 'xoic na llaalqaipi, chaqai quiyim so nashi ỹapacqajnauec quesá'ogue so liỹaripi so'maxare, chaqai ỹaanem yi paguec lecaic loma' ỹapacauec nqai'en quena liỹa lotauaripi so nashi.

Ester 7:4

Ma' ỹim chaqai na iuo' laseripi qaimeene' qomi', qaiyi qanalauachiñi qomi'. Qaica nqai 'negue queta' qaimeene' quiyim na'aqa qomi', ca' yi'maqata queta'le, ma' na qanpa'guenaxaua se noquiiguiñi nqai'en da resallaxa'e' qami' qarashi.

Ester 7:6

Ca' aso Ester 'naaco': —¡Ñí'maq pa'guenaxantac chaqai rasauaqataxantac, chaqaiñi ñijo hualoxonaq Amán! Ca co'na' 'xaỹa dajo so Amán, ca' se ra'ñiigue queda lqolonaxa reloqoto'oto so nashi Asuero chaqai aso nashi Ester.

Ester 8:11

Ca' queso lerellipi hueetalec da la'qaatec so nashi, 'naapega sá'ogue so judioipi neetalgoto naua liỹa' 'lauari, quiyim lapoỹata' quiyim reloquilec dá'maq chi nachaalataxac, ca' ỹalauat ná'ogue na qomyipi chaqai nopoxoỹaxajñi chaqai nomachichiguiñi chaqai icona na louenqaipi ná'maq qomyipi 'ue na lo'goxonaxat quecanchaqaica qom loqo'm ca 'laua nalauate'e', se i'xoren aca 'aalo chaqai ca noctoqui'.

Ester 9:11

Ca' chaqaiso so na'xa'a, ca' so nashi ỹa'deeno' ỹorete' só'maq qaỹalauat quiyi na'a' lodegaxat Susa.

Ester 9:9

Parmasta, Arisai, Aridai chaqai so Vaizata.

Éxodo 17:16

Ca 'naaco': ¡Aso letana ñi qara'gaxala' lo'xoita'a! ¡Ñi qara'gaxala' nalauateta'pegue' na Amalec llaalqaipi, ca' se neme queetaugui qai'neeta na llaalqaipi! (18.1-27 So Moisés na'xaỹaxane'ta so Jetro, ca' ỹo'uet so liỹa lotauaripi.)

Éxodo 20:5

Ca' se ni'iiñi quiyim 'yiỹoto naua re'cootallii na'maxare, chaqai sqai maqachiñii. Ma' ỹim ná'maq ỹim ra'gaxalari qota'olec, ma' ỹim qota'olec sqaican sa'maxaren. Ca' ỹim sa'ue ca nouaxanaxaset cá'maq se no'uen queca neta'a quiyim se nqo'chiiua', chaqai ca llaalqaipi, chaqai ca lauaripi, chaqai ca llaalqaipi ca lauaripi.

Daniel 6:24

Ca na' ime, ca' so nashi relaataxan quiyim qoyigue'ogalo sauá'maq ỹale' sauá'maq 'em 'ue da qohine'tegue so Daniel, liỹaresaho nqohine' saua loua' chaqai saua llaalqa. Ca qainaxari'ñigui aso tema hueeta'ñigui so sauaxaic leta'allipi; ca na' saqa' ỹovichiñi saua'maxare cañi tema, ca chaqa'ma' qaỹopoxoỹaxatañi queso sauaxaic leta'allipi.

Romanos 12:17

Cá'maq se no'uen ca 'neeta'pegue caqamiri, sqo pilaxachilec ca se no'uen. Ta'ta'a quiyim 'viichii ca ỹa'maqachiguiñi quiyim cá'ogue qaỹa'yiinchigui.

Filipenses 4:8

Qamiri ỹaqaỹa', dá'maq co'uaataxanta ỹaqataxac 'neetasa': ỹaatqajam ỹajñita ca leloxoỹaxac cá'maq lliqueta, chaqai ná'ogue ná'maq 'ue ca 'negue nqohin, chaqai cá'maq no'uen ñicyaxac, chaqai ná'maq qaica ca lalegue', chaqai ná'ogue ná'maq qaỹa'maxarenta, chaqai ná'maq no'uen ca na'qaataxac. 'Yiiñitapega ná'ogue ná'maq no'uen chaqai taiguit quiyim qaimaqachin.