Ester 9:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' so na'xa'a trece queso pa'aatec shiraigo quesaua doce shiriguiri, só'maq leenaxat Adar, ca' chaqaiso viichigui quiyim qaipacqajanchigui dá'maq dalaxaic la'qaatec so nashi, chaqai viichigui qai'neeta so na'xa'a quiyim ná'maq npa'guenaxaua so judioipi ỹahotaque doxonaxan, qam lotqai na judioipi loxonqaipi so'maxare.

Ester 9:1 Iomraidhean Croise

Ester 3:13

Ca' ỹodo nqohin na lere lo'ollipi quiyim ỹoda'alo naua 'lauari quiyí'maq reloqota'a so nashi. Ca' ana lerellipi hueetalec quiyim qanomachichiguiñi qanalauajñi queca 'oonoqui' na'xa'a na judioipi, 'eno'm ne'necoqui', loqo'm qo'xoiquipi, ñaaqaipioqui', loqo'm 'aallipi. Chaqai qarouootaxana'gue na louenqaipi. Ca' so na'xa'a naloqojnec chaqaiso so na'xa'a trece queso pa'aatec shiraigo queso ñaaxa só'maq leenaxat Adar.

Ester 3:7

Ca quesó'maq 'auaxaic shiraigo leenaxat Nisán queso ñaaxa na' ỹovite' doce ñaxari quiyim nashi so Asuero, ca' qaỹa'ue so llitaxac na' reloqotaho so Amán, qaiyi qaỹa'ue ca naloqojnec queca na'xa'a chaqai queca shiraigo quiyim ipaguigui nqohin so 'maqataxac. Ca so'maxare taachigui so na'xa'a trece queso shiraigo Adar só'maq pa'aatec shiraigo queso ñaaxa.

Ester 8:12

Dá'ogue dajo qaỹo'uet queca 'oonoqui' na'xa'a quenaua'que naua 'lauari reloqota'alo so nashi Asuero. Só'maq na'xa'a qoỹicagui, chaqaiso so na'xa'a trece quesaua doce shiriguiri queso shiraigo leenaxat Adar.

Ester 8:6

Ma' ¿negue' quet cá'maq shinta'gue quiyim chi ña'ñaxateta'piguit dá'maq se no'uen qaỹahotaque qohine'tegue na iuo' laseripi, chaqai quiyim qaỹahotaque qanalauajñi ná'maq ỹalamaxat ỹaqaỹaripi?

Hechos 12:11

Ca' quiyi, ca qaiguemo' ỹa'den so Pedro, ca' 'naaco': —Nagui, ca' ỹaatqajam sa'den llic quiyim ñi ỹa'gaxala' nela'o' so lelaatec chicqashiguim quiyim ỹahotaque qayayit quiñi Herodes chaqai quená'ogue ná'maq sham 'ne'tegue aỹim na judioipi.

Apocalipsis 11:18

Ca na ỹoreta'oguit qomyipi ro'o, qam ỹovita ca laloqo' quiyim vite ca nouaxanaxaset. Chaqai qai'neeta ỹovita ca laloqo' quiyim michi' na leuaxaiquipi, chaqai quiyim 'ỹaañitem ca nishiue' ná'maq relaataxai'pi ỹa'xatesac da ra'qaachiqui', ná'maq ỹaatqajam nañaanot aqami' quiyim imaqachintac da qadeenaxachi', lodegaxat, loqo'm cocho'qui'. Chaqai ỹovita ca laloqo' quiyim lauachi' ná'maq ralauataxantac quena 'laua.