Ester 8:8 - La'qaatqa ñi qota'olec Qota'olec & Qota'olec Novita Na Qomyipi

⁸ Nagui, ca' selarelgoto qamiri quiyim 'chiiñi cá'maq chi ra'qaachiguii. 'Viiquiñitac cá'maq 'ñiita'gue paguec 'maxaraic na judioipi, chaqai ¡togoxoilec aca itanaxanqate! (Ma' aca lere mashic hueetalec da leenaxat ca nashi chaqai qaỹotocqotalec aca letanaxanqate, tot qaishit qaỹosogui.)

Ester 8:8 Iomraidhean Croise

1 Reyes 21:8

Ime, ca chaqa'ma' ỹo'ueete' saua lerecse lerel hueetalgoto nqai'en da leenaxat so Acab. Ime, ca' ỹotogoxoñi aso letanaxanqate. Ime, ca ilata so qo'xoiquipi nashillipi na'ñi yi na'a' na'ñi so Nabot.

Ester 1:19

Vichiguiño' qami' qarashi, no'm 'maxariñite', ca 'maxaraic quiyim 'viichi' ca ra'qaachiqui', ca' qoỹiriñi, qaiyi ỹalequetaugui na nelaataxanaxaquipi quena Persia laseripi chaqai yi Media, qaiyi se qaỹosogoñi quiyim añi nashi Vasti taachi'ñi quiyim tot reloqoto'ot ñi nashi Asuero, chaqai da lo'ueenataxanaxac quiyim nashi taalec nqohin aca liỹa 'aalo paguec huagaxarai.

Ester 3:12

Ca na' ỹovire'oga so na'xa'a trece queso 'auaxaic shiraigo queso ñaaxa, ca qaroỹaxane'oga so leraxanqajanqaipi so nashi, ca' ỹiriñi dá'maq la'qaatec so Amán, ca' qailata na nashillipi reloqota'alo naua liỹa' 'lauari qoỹeretalec nauá'maq chi la'qaatqa ná'maq qomyipi reloqota'a chaqai hueetalec da leenaxat so nashi Asuero chaqai qaỹotocqotañi aso letanaxanqate so lashi na nashillipi.

Ester 8:10

Na nelaatallipi hueetalec da leenaxat so nashi Asuero, ca na' ime quiyim qaỹotogoxolec aso letanaxanqate so nashi, ca' qailategue na lere lo'ollipi quená'maq neetalec na yaqaic shipiguiripi quená'maq chi laloipi so nashi.

Ester 8:5

ca 'naaco': —Qami' qarashi, no'm 'maxariñite' chaqai quiyim da ỹashiilaxanaxac ỹa'maqachiguiñi, ca no'm chaqaiyi quiyim rqo'chiriua' chaqai yi'xoriñi', ca 'maxaraic queta' vite ca ra'qaachiqui' quiyim qaỹosogui da na'qaatec queso nelaatallipi ila' na'le so Amán hueetalec quiyim qanalauajñi ná'ogue na judioipi quenaua'que naua 'lauari quenauá'maq loqoisa'alo.

Daniel 6:8

Ca vichiguiño' nagui, ca 'taxachiriñi qami' qarashi da qana'deenaxac chaqai 'chiriñi ca qadeenaxachi', qaiyi qaica ca nadalaxashiguim ma' chaqaida dá'maq naqataxac quena medoipi chaqai Persia laseripi qaica ca ishit ỹapalaxat.

2 Timoteo 2:19

Qam ñi qota'a mashic ỹa'yiñi só'maq 'eco' no'xonaxanaxala' queda lo'ueenataxanaxac, ca' qaica ca idaxan. Ca' so'maxare naneretalec so nerec, 'neetasa': “Ñi qara'gaxala' ỹa'deenta ná'maq mashic lalamaxat”; chaqai: “Ná'ogue ná'maq ỹodootac da leenaxat so Cristo ỹaatqajam ca'e ná'ogue na se no'uen.”