Ester 8:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ma' ¿negue' quet cá'maq shinta'gue quiyim chi ña'ñaxateta'piguit dá'maq se no'uen qaỹahotaque qohine'tegue na iuo' laseripi, chaqai quiyim qaỹahotaque qanalauajñi ná'maq ỹalamaxat ỹaqaỹaripi?

Ester 8:6 Iomraidhean Croise

Génesis 44:34

Ma' ¿negue' quet cá'maq 'neeta quiyim sopil, sopila ca ita'a, no'm se iỹaatac dá'maq ne'nec? Se sa'maxaren quiyim seuantalec ca le'xoric ca ita'a.

Nehemías 2:3

Ca' shinac na'le queso nashi: —¡Ỹaatqajam se neme quiyim qami' nashi! ¿Negue' quet cá'maq 'neeta quet quiyim se sachicota? Ma' yi na'a' lelauaqate' yaua ita'al ỹaatqajam qanopoxoỹaxajñi chaqai naua lasomi' ỹoviquete'.

Ester 7:4

Ma' ỹim chaqai na iuo' laseripi qaimeene' qomi', qaiyi qanalauachiñi qomi'. Qaica nqai 'negue queta' qaimeene' quiyim na'aqa qomi', ca' yi'maqata queta'le, ma' na qanpa'guenaxaua se noquiiguiñi nqai'en da resallaxa'e' qami' qarashi.

Ester 9:1

Ca' so na'xa'a trece queso pa'aatec shiraigo quesaua doce shiriguiri, só'maq leenaxat Adar, ca' chaqaiso viichigui quiyim qaipacqajanchigui dá'maq dalaxaic la'qaatec so nashi, chaqai viichigui qai'neeta so na'xa'a quiyim ná'maq npa'guenaxaua so judioipi ỹahotaque doxonaxan, qam lotqai na judioipi loxonqaipi so'maxare.

Jeremías 4:19

¡Mashic ñoqogañi queda nqui'ic! ¡Añi i'taxanata 'ue da lquesaxanaxa rachitata! ¡Ỹaatqajam se yo'viijñi, se seshit yi'maqata! Sa'xaỹaque da lelamaxa ana npe'te chaqai da naualaxac quena' lauataq.

Romanos 10:1

Qamiri ỹaqaỹarolqa, ỹaatqajam 'xoic da lishoxo añi i'taxanata chaqai sashiilatac ñi qota'olec quena Israel llaalqaipi, ma' sahotaque quiyim qanca'laxatec.