Ester 8:5 - La'qaatqa ñi qota'olec Qota'olec & Qota'olec Novita Na Qomyipi

⁵ ca 'naaco': —Qami' qarashi, no'm 'maxariñite' chaqai quiyim da ỹashiilaxanaxac ỹa'maqachiguiñi, ca no'm chaqaiyi quiyim rqo'chiriua' chaqai yi'xoriñi', ca 'maxaraic queta' vite ca ra'qaachiqui' quiyim qaỹosogui da na'qaatec queso nelaatallipi ila' na'le so Amán hueetalec quiyim qanalauajñi ná'ogue na judioipi quenaua'que naua 'lauari quenauá'maq loqoisa'alo.

Ester 8:5 Iomraidhean Croise

Ester 2:17

Ca' so Asuero ỹaatqajam chalego' da lqo'iichi caso Ester, se ỹauanapego' quen 'neeta caca liỹa 'aalo. Ca aso'maxare ỹaatqajam imaalec da lqo'iichi so nashi Asuero, ca so Asuero ỹapacqajnauec aso'maxare queso liỹa 'aallipi ỹovira'a so'maxare, ca' ỹañigui na lqahic aso nashi nado'o, ca' ỹana'ñi yi loma' aso Vasti quiyim nashi.

Ester 2:4

Ca acá'maq nequetegaxai paguec rqo'chita, qami' qarashi, ca' chaqaca qoỹanagui da lo'ueenataxanaxac aso Vasti. Ca' dajo na'qaatec ỹaatqajam ỹa'maxarenta so nashi, ca' chaqaida qohine'tegue.

Ester 3:1

Ca co'na' mashic shi'gom quedajo, ca' so nashi Asuero nqo'naxajshiguim queda lo'ueenataxanaxac so Amán, só'maq llaalec so Hamedata, so'maxare chigoxougui so Agag. Ca' so Amán qoỹanagui quiyim la'gaxala' na nashillipi.

Ester 5:8

No'm qami' qarashi 'ue ca rqo'iichi'i' caỹim, chaqai vi'saque 'viichi' cá'maq sahotaque, chaqai quiyim 'viichi' cá'maq sashiilaxanaque, ca lliquisaho' nete'e riỹa'isac ñi Amán queca liỹa nqui'ỹaxac sa'maxatetañi quiyim qaremaqachiñi'. Ca ma'le, ca' so'uet cá'maq shiilaxañisaque, qami' qarashi.

Ester 7:3

Ca' aso Ester 'naaco': —No'm rqo'chiriua', qami' qarashi, chaqai quiyim 'maxariñite', ỹim qaidaatoqui' sahotaque chaqai sashiila'e' qami' qarashi quiyim se yalauachi' chaqai na iuo' laseripi.

1 Samuel 20:29

Ne'xoresene'tot aỹim quiyim sa'maxarenta taigue da'maxare, ma' ca lauo' ỹo'uet aca ỹavigaxat lachitaxanataxanqate hua'ñi nqai'en ca la'a', chaqai ca lqaỹaripi so'maxare noỹaxane ỹahotaque taiquera. Chaqai qai'neeta 'naapega aỹim quiyim yqouaguegue saxanec, ca' chaqai cocho'qui' ra'piicha ca lauo' laseripi. Vichiguiño' nagui se nqa'xanñi quiyim qami' lqui'ỹaxaua.