Ester 8:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Chaqai quenaua'que naua 'lauari, na'aateripi chaqai quená'maq ỹovira'a da la'qaatec so nashi, ỹaatqajam 'xoic da netoonaxac na judioipi, ca ỹo'uet na lqui'ỹaxac chaqai na lemaqachic. Chaqai quená'maq qomyipi quiyijo 'laua 'xoico' na nanerougui na judioipi, ma' paguec da lqolonaxa quena judioipi.

Ester 8:17 Iomraidhean Croise

Génesis 35:5

Ca co'na' eec sá'ogue so lauo' so Jacob, ca' ñi qota'olec ỹo'uet quiyim 'xoic da lqolonaxa sá'ogue so lauoraripi sqoỹoqaque quiyi'maxare. Vichiguiño' se qaỹocan so llaalqaipi so Jacob.

Nehemías 8:10

Chaqai qai'neeta 'naac so Esdras: —Mohi, a'guii cá'maq no'uen na'ic, chaqai ni'chiigui cá'maq lataxa chaqai nouañite'e' cá'maq qaica ca loq ỹa'maxatetañi, ma' najo na'xa'a lalamaxaret ñi qara'gaxala'. Totaxan chigoita, ma' se'guenqot da la'maxa lauel ñi qara'gaxala'.

Ester 9:19

Qam na judioipi quená'maq na'aate' leta'al chaqai quenaua na'aaterolqai' quená'maq sqaica ca lquepaxaset, ca ỹo'ueeto' quen ca lemaqachic, illiichigui yi na'xa'a catorce quiyi shiraigo Adar, ca 'xoico' quen da toonaxac queso nemaqachic, ca' quiñi 'óna ỹa'ue ca lame queca liỹa.

Ester 9:2

Ca naua'que naua 'lauari reloqota'alo so nashi Asuero, na judioipi lapoota'ta' quena na'aateripi quená'maq neeta'ñi, quiyim ỹahotaque nalauate'e' ná'maq ỹahotaque nalauajñi so'maxare. Qam qaica ca ishit quiyim reloqoguit so judioipi, ma' ỹaatqajam 'xoic da lqolonaxa ná'ogue ná'maq ỹalequeta'guit ỹoreta'oguit qomyipi.

Ester 9:22

Ma' sojo na'xa'a viichigui na' so judioipi ỹoỹoote'oga so npa'guenaxauaripi, chaqai ma' sojo shiraigo viichigui so chalego lecaic nachicoxo chaqai so naualaxaquipi queda nqui'ic, ca' ñigui queso judioipi toonaxac chaqai nemaqachic. Ca' quesauajo na'xata', ca' qaỹo'uet ca nqui'ỹaxac chaqai ca toonaxac, chaqai nachijta', chaqai ỹa'ue na lame quena 'xoraiquipi.

Ester 9:27

ca' so judioipi ỹo'viijño' na'le quiyim chi lemaqachic chaqai queso llaalqaipi, chaqai quesá'ogue só'maq nanerouquio' na'le so judioipi: ca ỹo'uet quiyim lemaqachic quenaua'que naua ñaxari, se coua'ahi sauajo na'xata', ipaquichigui nqai'en dá'maq qohinaco' na'le;

Ester 9:3

Ca ná'ogue na nashillipi chaqai ná'maq reloqota'alo naua 'lauari chaqai ná'maq 'xoic lecaic na loma', ỹaatqajam qoshiiteguelec na judioipi, ma' qano'cha'a so Mardoqueo.

Éxodo 15:16

Qami' qara'gaxala', ¡No'chi nqai'ñi'!, ca ¡'xoic da lqolonaxa! chaqai ¡quecá'maq hueeta'ñi, ca 'ec qa' queda lquesaxanaxa da rqai'laxachi', chi ỹovireta'a pacta na ralamaxarichi' qomyipi ná'maq rca'acshiqui'!

Josué 2:11

Ca' mashic chalego da qarqolonaxa na' sa'deenaq, ca vire'ta qaica ca ishit nalauajto qamiri. Ma' ñí'maq ra'gaxalari qota'olec caqamiri, ñi'maxare ỹoiquentac da pa'aashiguim quena piguim chaqai quena pa'aañi quena 'laua.

Josué 2:9

—Ỹim sa'den quiyim ñi ra'gaxalari ỹaanema qamiri najo 'laua, ma' ñi'maxare ỹo'uet quiyim 'xoic da qarqolonaxa. Ma' ná'ogue ná'maq neeta'ñi najo ileuapeguem da lqolonaxa sauaxate' qamiri.

1 Samuel 25:8

Ca' qami' shichi' nataxañi' quena relaataxai'ipi, ca na'maxare ỹa'xat ma'le cá'maq ỹaatqajam lliqueta. Vichiguiño' nagui ñi'xoresene'tot qami' quiyim rqouaquiteguelo naua ne'naqa ma' 'maxaraic da loviraxague'. Ca' qami' shichi' quiyim 'ue ca 'ỹaañitem naua'maxare chaqai aỹim quecá'maq ralo'isalec, ma' ỹim shintari' ca qachaalqui'.