Ester 8:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' so Mardoqueo co'na' nenoxonec quiñi 'imec lodegaxat, ỹantañi aso nashi lapooto icolaq chaqai lalagaxai, chaqai ỹantañi aso nashi nado'o 'oro chaqai so nepo' lino naueralec da letogaxa. Ca yá'ogue yi na'a' lodegaxat Susa ỹaualqatagui queda netoonaxac.

Ester 8:15 Iomraidhean Croise

Génesis 41:42

ca' so Faraón naqate'e aso lichicshaqate asó'maq hueetalec aso netanaxasete quiyim nashi, ca' ỹanñi nqai'en so José. Ime, ca relaataxanlec quiyim qaỹa'vii saua loho lo'yaxanqa chaqai nqolaanñi nqohin aso nqola oro.

Ester 1:6

Ca' so nasoxoc lemaqatet nqohin na no'uen lepate lo'lo lalagaxaic chaqai na icolaq, qaỹauo'chi naua lequeete' chicqoraugui na lino tocalec, ca queetouguilo naua lauaco 'ue na no'ueetaxat plata, chaqai naua lashil nodaachiguiñi qa' leenaxat mármol. Chaqai saua qa'xanaxalate', ca' naua neuaxaỹoxosoxolate' qaỹa'meenlgoto quena 'oro chaqai quena plata. Chaqai so nco'ỹaaqa' ta'ta'a qa' lo'yaxanec, 'ue na nácar, mármol lalagaxaic chaqai na laueraxaic.

Ester 10:2

Dá'ogue dá'maq ỹo'uet ỹaatqajam 'ue nqai 'negue chaqai da lquesaxanaxa, chaqai dá'maq 'neeto' na' ỹa'ue yi loma' lodegaxat so Mardoqueo, qoỹeretalec asó'maq lere asó'maq hueetalec ná'ogue ná'maq qaỹo'uet queso nashillipi quiyi Media chaqai yi Persia.

Ester 3:15

Ca' so lere lo'ollipi chaqa'ma' taate'ogalo ma' chi la'qaatec so nashi. Ca' so na'qaatec chicqochi'ñi yi Susa na' qaỹa'xat. Ca' so nashi chaqai so Amán co'na' ñaq nqa'aamsañi ne'teeta'pe, ca ná'maq neeta'ñi yi Susa ỹaatqajam se ỹa'den ca 'neeta.

Ester 5:1

Ca co'na' ỹovirerec saua tres na'xata', ca aso Ester ỹañiñi saua loho nashi loho, ca eec inoxonou'a yi nasoxoc so nashi. Ca co'na' ỹovira'a, ca' hua'e quiyi naloote'oga yi nqa'xanqa' so'maxare ma' naloote'oga so lasom.

Ester 5:11

Ca' retaqatecto ỹa'xatetac da lesallaxa, chaqai quiyim 'xoic na llaalqaipi, chaqai quiyim so nashi ỹapacqajnauec quesá'ogue so liỹaripi so'maxare, chaqai ỹaanem yi paguec lecaic loma' ỹapacauec nqai'en quena liỹa lotauaripi so nashi.

Ester 6:11

Ca' so Amán icona so nashi lapo' chaqai so shipgaq, ca' ỹauequeta neetashiguim cañi qom louoxoqui quiyi na'a' lodegaxat, 'aueta ỹaualqata'pegue', 'naaco' quen: —¡Chaqaida qohinta'gue cá'maq ỹahotaque imaqachin ñi qarashi!

Ester 6:8

ca'maxare 'maxaraic quiyim ỹouen cá'maq chi napoxogui'i' chaqai ca shipgaq quenauá'maq qañaxalachichi', qami' qarashi, chaqai quiyim ỹantañi aca nashi nado'o quena lqahic.

Ester 8:14

Ca co'na' ỹaanec da la'qaatec so nashi, ca chaqa'ma' eec na lere lo'ollipi, taate'ogalo neetalec na laloipi so nashi. Ca' dajo na'qaatec qaiuagaxatec qai'neeta quiyi na'a' lodegaxat Susa.

Mateo 11:8

Ca ¿negue' só'maq 'ajnaxañiu'ga? ¿Peeta'a ỹaatqajam lo'yaxanqa saua loho so ỹale? Qamiri 'yiiñii quiyim ná'maq lo'yaxanqa naua loho ỹañiñi, na'maxare neeta'ñi na la'a' na nashillipi.

Mateo 6:29

Ca' shinapegalo qamiri quiyim vire'ta so nashi Salomón quená'ogue ná'maq chalego loyac no'ueetaxat, qam se nalo'guit da no'ueetaxac nqohin ana'maxare.

Lucas 16:19

'Uo' so ỹale ỹaatqajam nesallaxanec, so'maxare ỹansegueñi naua paguec loyaague' noho, chaqai qaica 'nejme'. Ca' so'maxare ỹo'ueetetac quenaua'que naua na'xata' ca lodegaxat lqui'ỹaxac.