Ester 8:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca co'na' ỹaanec da la'qaatec so nashi, ca chaqa'ma' eec na lere lo'ollipi, taate'ogalo neetalec na laloipi so nashi. Ca' dajo na'qaatec qaiuagaxatec qai'neeta quiyi na'a' lodegaxat Susa.

Ester 8:14 Iomraidhean Croise

1 Reyes 4:28

Chaqai quena' ỹovire'oga yi naloqojnec, ca' qailarec quecá'maq qoỹicapi'ñi ana cebada chaqai na 'uaqapi loq na shipiguiripi chaqai na iseripi nauegaxanaxala'.

Nehemías 1:1

Ca' najo ná'maq na'qaataxac so Nehemías só'maq llaalec so Hacalías. Na' ỹovi' veinte ñaxari quiyim nashi so Artajerjes so shiraigo leenaxat Quisleu, ca' ỹim Nehemías senta'ñi yi qaỹapootau'a na'a', leenaxat Susa.

Ester 1:2

Ca so'maxare yí'maq hua'ñi yi la'a' quiyim ilaretac na nashillipi, ca na'ñi yi na'a' lodegaxat leenaxat Susa.

Ester 2:3

Ca 'maxaraic quiyim qami' qarashi vite ca 'chiro quená'maq neetalgoto naua liỹa' 'lauari, qaiyi qailarelec quiyim ná'ogue na nequetegaxaipi nauega'a ñi 'aallipi lauo' lodegaxat quiyi Susa, ca' reloxoỹa'a nqohin ñi Hegai só'maq rpi'iichi', qami' qarashi, ca' chaqaiso só'maq Hegai quelola quiyim ỹa'men chaqai no'ueenaxat so 'aallipi, qaiyi re'oq dá'maq ỹaatqajam loyac.

Ester 3:13

Ca' ỹodo nqohin na lere lo'ollipi quiyim ỹoda'alo naua 'lauari quiyí'maq reloqota'a so nashi. Ca' ana lerellipi hueetalec quiyim qanomachichiguiñi qanalauajñi queca 'oonoqui' na'xa'a na judioipi, 'eno'm ne'necoqui', loqo'm qo'xoiquipi, ñaaqaipioqui', loqo'm 'aallipi. Chaqai qarouootaxana'gue na louenqaipi. Ca' so na'xa'a naloqojnec chaqaiso so na'xa'a trece queso pa'aatec shiraigo queso ñaaxa só'maq leenaxat Adar.

Ester 3:14

Ca' so na'qaatec qanaqajshiguim quiyim nelaataxanaxac, chaqai qailatalo naua 'lauari chaqai naua na'aate', qaiyi ná'ogue na qomyipi na'maxatetañi ma' ỹovire'oga cajo na'xa'a.

Ester 3:15

Ca' so lere lo'ollipi chaqa'ma' taate'ogalo ma' chi la'qaatec so nashi. Ca' so na'qaatec chicqochi'ñi yi Susa na' qaỹa'xat. Ca' so nashi chaqai so Amán co'na' ñaq nqa'aamsañi ne'teeta'pe, ca ná'maq neeta'ñi yi Susa ỹaatqajam se ỹa'den ca 'neeta.

Ester 8:13

Ca ná'maq lerqaipi aso lerellipi qanaqajshiguim, ỹaatqajam nelaataxanaxac nqohin, ca' qaỹa'deenaxanaxanegue na qomyipi quena 'lauari, qaiyi na judioipi na'maxatetañi quecajo na'xa'a quiyim ỹa'ue ca lovi' quena npa'guenaxauaripi.

Ester 8:15

Ca' so Mardoqueo co'na' nenoxonec quiñi 'imec lodegaxat, ỹantañi aso nashi lapooto icolaq chaqai lalagaxai, chaqai ỹantañi aso nashi nado'o 'oro chaqai so nepo' lino naueralec da letogaxa. Ca yá'ogue yi na'a' lodegaxat Susa ỹaualqatagui queda netoonaxac.

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.