Ester 8:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' chaqaiso sojo na'xa'a, ca' so nashi Asuero ỹaanem aso nashi Ester so lauo' so Amán só'maq npa'guenaxaua na judioipi. Ca' so Mardoqueo quepegue' so nashi, ma' aso Ester shi'co' ra'qaataxanem so nashi quiyim lqaỹa liỹa so'maxare.

Ester 8:1 Iomraidhean Croise

Ester 1:14

Ca' queso qomyipi sauá'maq paguec na'deenaxaua' so nashi, saua Carsena, Setar, Admata, Tarsis, Meres, Marsena chaqai so Memucán, siete saua ỹaatqajam na'gaxalate' quiyi Persia chaqai yi Media, chaqaisaua saua lotaua' quiyim ỹahotaque da lo'ueenataxanaxac so nashi.

Ester 2:15

Ca co'na' aso Ester asó'maq llaale so Abihail só'maq neteesqo' so Mardoqueo ỹovira'a quiyim nachaxana'a so nashi, ca aso'maxare i'xate' qaisauate' sauá'maq 'neetapegalo' na'le so Hegai só'maq lpe'eet so nashi chaqai neloxoỹaq queso 'aallipi. Ca co'na'le, ca' aso Ester sá'ogue qanqo'ta quesó'maq cochiitapega so 'aallipi.

Ester 2:7

Ca' so Mardoqueo 'uo' aso lqaỹa liỹa. Aso'maxare na'pelqotam. Ca so'maxare ỹiro quiyim llaale na' tot qaicaua caua leta'al. Aso'maxare leenaxat Hadasa chaqai da liỹa leenaxat Ester. So'maxare ỹaatqajam imaañi lo'yaxana chaqai ta'chiguit da no'ueenataxac.

Ester 7:6

Ca' aso Ester 'naaco': —¡Ñí'maq pa'guenaxantac chaqai rasauaqataxantac, chaqaiñi ñijo hualoxonaq Amán! Ca co'na' 'xaỹa dajo so Amán, ca' se ra'ñiigue queda lqolonaxa reloqoto'oto so nashi Asuero chaqai aso nashi Ester.

Ester 8:7

Ca' so nashi Asuero 'naaco' na'le caso nashi Ester chaqai queso Mardoqueo só'maq judío le'ec: —Shi'gue saanem ada Ester ñi lauo' so Amán chaqai so'maxare qaicoñitot na lqosot, ca' qaicoñirashiguim, ma' ỹahotaque qanalauajñi na judioipi.

Lucas 12:20

Qam ñi qota'olec 'naapego': “Qami' ỹale ỹaatqajam qaico' ca 'yiiñiraque, quena pe qami' rillivi', ca' ná'ogue ná'maq 'maxachi'sac, ¿negue' cá'maq taalec ma'le?”