Ester 7:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' aso Ester 'naaco': —¡Ñí'maq pa'guenaxantac chaqai rasauaqataxantac, chaqaiñi ñijo hualoxonaq Amán! Ca co'na' 'xaỹa dajo so Amán, ca' se ra'ñiigue queda lqolonaxa reloqoto'oto so nashi Asuero chaqai aso nashi Ester.

Ester 7:6 Iomraidhean Croise

Nehemías 6:16

Ca ná'maq pa'guenta'pe qomi' na' 'ue da la'xaỹaxac quedajo, ca naua'que naua 'lauari sqoỹoqapigui ỹaatqajam 'xoic da lqolonaxa na qomyipi, ca' 'xoic na layiloxo ma' retan quiyim dajo no'ueenataxanaxac qaỹomat, ma' ñi qota'olec 'ue da lotaanaxanaxac. (6.17—7.73 So Nehemías nca'au'a so na'gaxala'. Aso lomalate só'maq rapil quiyi ỹoqa'a 'laua.)

Ester 3:10

Ca co'na'le, ca' so nashi naqate'e aso lichicshaqate, ca' ỹaanem so Amán só'maq npa'guenaxaua na judioipi.

Ester 7:5

Co'na'le, ca' so nashi Asuero renataxano' 'naaco': —¿Negue' cá'maq ỹahotaco' ỹo'uet dajo? chaqai ¿negue' ca hueeta'gue ca'maxare?

Ester 8:1

Ca' chaqaiso sojo na'xa'a, ca' so nashi Asuero ỹaanem aso nashi Ester so lauo' so Amán só'maq npa'guenaxaua na judioipi. Ca' so Mardoqueo quepegue' so nashi, ma' aso Ester shi'co' ra'qaataxanem so nashi quiyim lqaỹa liỹa so'maxare.

Salmos 27:2

Na hualoxonyipi ñpa'guenaxauaripi lapoỹata' quiyim yiloquin chaqai quiyim yapalaxatac; qam chaqaina na'maxare ná'maq repoxolaxan chaqai huaañi.

Eclesiastés 5:8

'Neeto' re'laqaita quiyim 'ue ca 'laua qaica ca qaỹauaaque na 'xoraic chaqai quiyim se qaỹa'maxata'gue dá'maq no'uen ñicyaxac, ma' ná'maq lodegaxat nashi qoshiilec cá'maq liỹa nashi paguec lecaic, chaqai ná'maq paguec lecaic qoshiilgoto nauá'maq liỹa' paguec sqa lote'.

2 Tesalonicenses 2:8

Ca' ma'le, ca nachaxan cajo ỹale sauaqhuaic, qam so qara'gaxala' Jesús ỹalauatañi ma'le, ma' pe'tot quena lacat chaqai da lauaq da loviraxac.

1 Samuel 24:13

'Ue da ñaauapec na'qaatec 'naacsa': Ca se no'uen chicqaugui ná'maq hualoxonyipi. Vichiguiño' ỹim qaica ma' sahotaque quet quiyim sa'ue ca shine'tegue qami'.