Ester 7:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' chaqaida 'neeto' na'le so Amán na' qaicoñijshi'megue asó'maq chi ỹa'maxatetañi quiyim ỹahotaque coñijshi'megue so Mardoqueo. Ca' queda, ca tauco' so lauel so nashi.

Ester 7:10 Iomraidhean Croise

Génesis 40:22

Qam so pan lo'o, ca relaataxanlec quiyim qaicoñishiguim. Ca chaqaida ipaquichigui dá'maq 'naaco' na'le so José.

Ester 2:1

Ca co'na' mashic 'viom saua na'xata', ca' so nashi Asuero mashic nimishiguim so lauel, ca ỹo'leente'te dá'maq 'ne'tegue na'le aso Vasti chaqai dá'maq 'naac quiyim qaiqoshaxanec quiyim nashi.

Ester 5:14

Ca' aso loua chaqai so nauochaxauaripi 'neraco' queso'maxare: —Laataxañirelec quet quiyim qaỹa'yiñi aca qo'paq veintidos metros da ladogaxa nqai'ñi', qaiyi qaicoñishi'megue. Ca ma' nete'e nete'eta, ca shiila'e' ñi qarashi, qaiyi qaicoñishi'megue ca Mardoqueo, qaiyi ma' riỹa'isac ca nashi quirepegue' ca nqui'ỹaxac qaica ca huapigui qavilli'. Ca' dajo na'qaatec ỹaatqajam ỹa'maxarenta so Amán, ca relaataxanlec quiyim qaỹo'uet aso ncoñiitaxanaxalate.

Ester 7:7

Ca' so nashi Asuero chalego lauel, ca' ne'laxatashiguim, ca chaqa'ma' ca'e ñí'maq 'imec nqui'ỹaxaqui, ca' quepegue' yi nashi lanaxanqa'. Qam so Amán na' retan quiyim so nashi ỹahotaque quiyim qaỹalauat, ca so'maxare no'ueenaugui so nqui'ỹaxaqui, ma' ỹahotaque quiyim ne'xoresene'tot aso nashi Ester quiyim se qaỹalauat.

Ester 7:8

Qam co'na' so nashi rapilo quiyi lanaxanqa', ca inoxonougui ñi 'imec nqui'ỹaxaqui, ca iuane'ta so Amán ỹa'deesañi le'cootal huaqatalec so qa'xanaxala' huaqatalec aso Ester. Ca 'naaco': —'Aa, ¿qa' vi'saco' hualaxaiñi' ana nashi ya'ajnaxanaxañisac, chaqai quena ỹa'a'? Ca na' 'naac dajo so nashi, ca saua lotaua' neloxoỹa' queso'maxare chaqa'ma' ỹapoorigui na lashic so Amán, ca' so 'óna quesaua'maxare leenaxat Harbona 'naaco': —Quiyi la'a' na Amán 'ue ada ỹa'maqatañi ncoñiitaxanaxalate 'uo' ca veintidos metros da ladogaxa, ma' ñi'maxare relaataxanlec ỹahotaque qaicoñijshi'megue so Mardoqueo, só'maq chalego loyac nqai'en da ra'xaỹaxaqui' na'le, qami' qarashi. —Cha'regue coñirishiguim ñi'maxare caca'maxare —'naaco' so nashi.

Ester 8:7

Ca' so nashi Asuero 'naaco' na'le caso nashi Ester chaqai queso Mardoqueo só'maq judío le'ec: —Shi'gue saanem ada Ester ñi lauo' so Amán chaqai so'maxare qaicoñitot na lqosot, ca' qaicoñirashiguim, ma' ỹahotaque qanalauajñi na judioipi.

Ester 9:14

Ca' so nashi 'naac quiyim chaqaida qohine'tegue, ca lotqai qaiuagaxatec dajo quiyi Susa. Ca' qaicoñichishiguim saua loshicma' saua diez llaalqa so Amán.

Ester 9:25

Qam co'na' aso Ester ỹovira'a so nashi, ca so'maxare chilnataxanegue quiyim qoỹeretañi dá'ogue dá'maq se no'uen la'deenataxanaxaco' na'le so Amán queso judioipi, ca pa'aalec nqohin so'maxare. Ca chaqaido' da 'neeto' na'le na' so Amán chaqai so llaalqaipi qaicoñirerashiguim.

Daniel 6:24

Ca na' ime, ca' so nashi relaataxan quiyim qoyigue'ogalo sauá'maq ỹale' sauá'maq 'em 'ue da qohine'tegue so Daniel, liỹaresaho nqohine' saua loua' chaqai saua llaalqa. Ca qainaxari'ñigui aso tema hueeta'ñigui so sauaxaic leta'allipi; ca na' saqa' ỹovichiñi saua'maxare cañi tema, ca chaqa'ma' qaỹopoxoỹaxatañi queso sauaxaic leta'allipi.

Daniel 6:25

Ca co'na'le, ca' so nashi Darío ỹa'ue so lerec, taỹaugui nqai'en sá'ogue so ỹoreta'oguit qomyipi neetalec yi 'laua, 'naacsa': Sahotaque quiyim qaicanqaida chaqai 'ue nqaiyi caqamiri,

Zacarías 6:8

Ca na' ime dajo, ca' so nelaatec piguim le'ec ỹaualaq, ca' 'naac: ¡'Ajñi', sauá'maq taira'a yi 'laua queda rapiguim, nemanaxajñi da lonogoxonaxac ñi qara'gaxala' quiyijo 'laua!