Ester 6:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca nepo' chaqai ca shipgaq qoỹaanema ca 'óna quená'maq paguec lecaic quena nashillipi quena rotauachi'ipi, qaiyi ỹañiguilo caua noho cá'maq vi'saque maqachiñi', qami' qarashi, chaqai ỹauequeta ca lañaxala' cañi qom louoxoqui quena na'a' lodegaxat, ca ỹaualqata'pegue' 'aueta 'neeta'guesa': ¡'Eda qohinta'gue cá'maq ỹale cá'maq ỹahotaque imaqachin ñi qarashi!

Ester 6:9 Iomraidhean Croise

Génesis 41:43

Ca co'na' ime, ca' renojñigui nqai'en aso nahoglena, chaqai'eno' quen coỹaretaho casó'maq chi lahi'. Ca' relaataxan quiyim 'ue na 'aueta ỹaualqatagui 'naacsa': ¡Ñaqai huachigue ca ñic! Ca' chaqaido' da 'neeta na'le na' so José qoỹanagui quiyim idaanlec yá'ogue yi 'laua Egipto.

Ester 6:10

Ca' so nashi 'naaco' queso Amán: —Cha'regue chaqa'ma' qui', coñita ca ipo' chaqai ca iñaxala' shipgaq, ipaquichigui nqai'ñi' dá'maq 'ñirac. Ca' chaqaida 'ñitetegue queso judío le'ec Mardoqueo, só'maq nqa'xantañi quiñi lasom na iuo' lodegaxat. Ca' sqaica quet cá'maq se ipaguigui nqai'ñi' quenaua ra'qaataxahi'.

Ester 6:6

Ca co'na' inoxono so Amán, ca qainato' queso nashi: —¿Negue' ca qohinta'gue cá'maq ỹale cá'maq najo nashi ỹahotaque imaqachin? Ca' so Amán 'ñiichiquio' lauel: ¿Negue' queto' cá'maq sham imaqachin ñi nashi, ta'ta'a ỹim?

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.