Ester 6:3 - La'qaatqa ñi qota'olec Qota'olec & Qota'olec Novita Na Qomyipi

³ Ca co'na'le, ca renataxano' so nashi: —¿Negue' cá'maq 'neeto' na'le ca nishiuetenaxac chaqai quiyim qaimaqachin so Mardoqueo quedá'maq ỹo'ueeto' na'le? —Qaica, ỹaatqajam qaica —'neraco' saua lotaua' so nashi.

Ester 6:3 Iomraidhean Croise

Génesis 40:23

Qam so 'taxaqui lo'o coua'e dá'maq 'naaco' na'le so José.

Ester 6:2

Ca' qaiuanejlec hueetalec dá'maq 'neeto' na' so Mardoqueo ỹa'xat da la'xalenataxanaxague' saua Bigtán chaqai so Teres na' qaỹahotaque qaỹalauat so nashi Asuero. Saua'maxare nashil queso neloxoỹaripi queso nashi.

Ester 6:4

Ca queco'na'le, ca ỹoviro' so Amán quiyi nasoxoc quiyi novirqa' quiyi la'a' so nashi, ma' ỹahotaque quiyim rashiilaxan quiyim qaicoñirashiguim so Mardoqueo caso ỹaqatqajantari' lo'ueenata. Ca' so nashi renataxano' 'naaco': —¿Negue' dá'maq hueetalec na nasoxoc?

Daniel 5:16

Qam 'ue da ỹa'xaỹaxac caqami' quiyim shichi' choxochi' cá'maq sqa ỹaataxa'uegue chaqai 'xachi' ca leloxoỹaxac cá'maq 'xoic ca lqalaic. Ca no'm shichi' taqairelec yauajo nerqa chaqai choxochirim ca leloxoỹaxac, ca ỹim so'uet quiyim qoỹañiguilo qami' ma'le caua noho togue' nashi loho, chaqai qaỹa'ue aca rqola'e' 'oro, chaqai qami' ỹotaua queda ỹo'ueenataxanaxac quenajo 'laua soiquentac.

Daniel 5:29

Ca' so nashi Belsasar relaataxan quiyim qoỹañiguilo saua togue' noho nashi loho so Daniel chaqai qaỹa'ue aso lqola 'oro, ca' ỹa'ue la'xaỹaxac ná'ogue quiyim chaqaiyi chaqa'ma' lotaua so Daniel queda lo'ueenataxanaxac quiyim nashi.

Daniel 5:7

Ime, ca' ỹaualaq chaqai roỹaxanaque ná'maq richaauec nqai'en nanchaqaina, ná'maq 'deenaxanqachaqaic, chaqai ná'maq napaxaguintapega na piguim le'ec quiyi Babilonia. Ca 'naaco': —Cá'maq retaqalec yí'maq naneretañi quenajo chaqai ichoxochim ca leloxoỹaxac, ca' qoỹañiguilo caua noho togue' nashi loho chaqai qaỹa'ue aca lqola 'oro, chaqai pa'aata'guit aỹim queda ỹo'ueenataxanaxac quiyim soiquentac na 'laua.