Ester 6:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' chaqaiso sojo pe so nashi sqaica ca lelaxac, ca vire'to' na' relaataxana'a quiyim qanodori' aso lere hueetalec ná'ogue ná'maq lodegaxat qaỹo'uet quiyí'maq qoyintalec 'laua, ca' qana'xaỹaxana quiyim qaretaqalec.

Ester 6:1 Iomraidhean Croise

Génesis 22:14

Ca na' ime, ca' so Abraham ỹa'uo' da leenaxat yijo 'laua, leenaxato' nqai'en: Ñi qara'gaxala' ỹa'ue cá'maq qaỹouentaque. Vichiguiño' nagui qaiyiita qohinac: Cada quemaralec ladocai ñi qara'gaxala' ỹa'ue cá'maq qaỹouentaque.

Ester 10:2

Dá'ogue dá'maq ỹo'uet ỹaatqajam 'ue nqai 'negue chaqai da lquesaxanaxa, chaqai dá'maq 'neeto' na' ỹa'ue yi loma' lodegaxat so Mardoqueo, qoỹeretalec asó'maq lere asó'maq hueetalec ná'ogue ná'maq qaỹo'uet queso nashillipi quiyi Media chaqai yi Persia.

Ester 2:21

Ca co'na' so Mardoqueo nqa'xantañi quiñi lasom ñi lauo' lodegaxat so nashi, ca 'qaatapegalo saua Bigtán chaqai so Teres, saua'maxare nashil neloxoỹa' queso nashi, reloqosa'a ñi lasom ñigo quiñi 'imec lodegaxat. Saua'maxare ỹaatqajam ro'ootasa'lo retaqasapigui cá'maq 'neesa'gue quiyim ỹalauate' so nashi Asuero.

Ester 2:22

Ca na' so Mardoqueo ỹa'den da na'xalenataxac so nashi, ca ra'qaataxana aso nashi Ester. Ca aso'maxare ỹa'ue la'xaỹaxac so nashi Asuero queda la'qaataxanaxac so Mardoqueo.

Ester 2:23

Ca' qanimichiguit dajo na'xaỹaxac. Ca co'na' qaỹa'den quiyim lliqueta, ca' saua dos nouaataxanaq lashil qaỹa'ue da nouaxanaxasete', ca' qaicoñirerashiguim. Ca dá'maq qohine'teque qoỹiriñi ỹauanchigui nqohin so nashi na' qoỹiriñi caso lere hueetalec ná'ogue na na'qaataxac na qomyipi queso neetalec 'laua.

Ester 5:8

No'm qami' qarashi 'ue ca rqo'iichi'i' caỹim, chaqai vi'saque 'viichi' cá'maq sahotaque, chaqai quiyim 'viichi' cá'maq sashiilaxanaque, ca lliquisaho' nete'e riỹa'isac ñi Amán queca liỹa nqui'ỹaxac sa'maxatetañi quiyim qaremaqachiñi'. Ca ma'le, ca' so'uet cá'maq shiilaxañisaque, qami' qarashi.

Daniel 6:18

Ca na' ime, ca' so nashi quepegue' yi la'a', ca' nenanñi, se que'e chaqai le'ne' nqai'ne' naua chaqai leuallaxaviaxaco, chaqai qaica ca lelaxac quesá'ogue so pe.

Romanos 11:33

¡Ỹaatqajam chalego lecaic da lqouagaxa ñi qota'olec, chaqai da la'deenaxanaxa, chaqai qaỹaataq ca ỹa'den! Chaqai se sa'deenaq quiyim sa'xataxe' naua na'deenaxaco, chaqai vire'ta se sa'deenaxe' naua nayicyaxaco.