Ester 5:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' so Amán na' pil ime so lqui'ỹaxac ỹaatqajam ỹa'maqachigui lauel chaqai netoontac. Qam ỹaatqajam ro'o na' iuane'ta so Mardoqueo hueeta'ñi ñi lasom, se ne'laxashiguim chaqai se redaỹac na' que'tegueyi so'maxare.

Ester 5:9 Iomraidhean Croise

1 Reyes 21:4

Ca' so Acab queuo queca la'a' rachicotam chaqai se ỹa'maxagui na lauel sauaxat dá'maq 'naac so Nabot, ma' so'maxare 'naac quiyim sqai ỹaan só'maq qano'ueenaqta'guit quesaua leta'al. Ca co'na' ỹoviro, ca' nenanñi, reloqoto'ot ca 'imec lahi, chaqai se que'e.

1 Reyes 21:6

Ca' so Acab 'naaco': —Setaqata'pegue' so Nabot só'maq na'ñi yi Jezreel. Ca' sahotaque imeenot aỹim yi lanaxanqa' 'uva loma', loqo'm quiyim saañiguit ca liỹa nanaxanqa'. Qam ñi'maxare se nañaañim.

Ester 2:19

Ca' quesaua liỹa' na'xata' na' so nequetegaxaipi qaỹauega so lauo' lodegaxat so 'aallipi, ca' so Mardoqueo nqa'xantañi quiñi lasom ñi lauo' so nashi.

Ester 3:2

Ca ná'ogue na ro'ueenataxantacot so nashi quená'maq hueeta'ñi yi la'a', ca na'maxare ỹa'chi'iñi naua le'cootal, ca ỹoviraqta'guit na latap na 'laua chaqai nanaxañi na lqahic quena' qoyique'tot queso Amán chaqai quena' qareloqota'guit, ma' chi lelaataxanaxac so nashi. Qam so Mardoqueo se na'xaỹaxana dajo na'qaatec.

Ester 3:5

Ca co'na' so Amán ỹaatqajam ỹa'deenta quiyim so Mardoqueo se ỹa'dooto naua le'cootal so'maxare chaqai se nanaxañi nqai'en na lqahic, ca so Amán ỹaatqajam ro'o.

Ester 5:13

Qam quena' seuana so judío le'ec Mardoqueo nqa'xantañi quiñi lasom ñi nashi lauo' 'imec lodegaxat, ca ná'ogue najo sa'xatetac qaica ca 'negue nqaishin.

Salmos 15:4

cá'maq se nqo'ta ra'ỹa'a cá'maq se qanqo'chiguit, qam imaqachin cá'maq imaqachin ñi qara'gaxala'; cá'maq ipacqajanchigui ca la'qaatec, 'eno'm se ỹa'maxañi ca 'neetari';

Salmos 27:3

'Eno'm yahiquinchiguiñi ca ỹalliripi nalauataxairipi, qam se no'chi añi i'taxanata; 'eno'm na'maxajñi quiyim yiloquin, qam ỹim yi'maqatapeuc.

Daniel 3:13

Ca' so Nabucodonosor ỹaatqajam ro'o, ca' relaataxane'ogalo quiyim qaỹaueguero saua Sadrac, Mesac chaqai so Abed-nego. Ca, na' mashic reloqota'guita,

Mateo 10:28

Ca se ro'chiỹa cá'maq ishit ỹalauat na noshicmaxa, qam se ishit ỹalauat yi pa'aauo chaalataxac. Ta'ta'a quiyim ro'chiỹa ñi qota'olec ñí'maq ishit ỹalauat na qaroshicmaxa chaqai so qara'al inaxañigui ca norec navicqatqa' na hualoxonyipi.

Mateo 2:16

Co'na' so Herodes retan quiyim saua 'deenaxanqachaqaqa ỹayine' so'maxare, ca' ỹaatqajam ro'o. Ca relaataxanlec quiyim qaỹalauat ná'ogue na ñaaqaipioqui' na'ñi yi Belén chaqai quenaua'que naua lahil, chicqochi'ñi quiyaua dos ñaxari. Ca taỹa'nquira ipaquichigui nqai'en dá'maq la'qaataxanaxague' saua 'deenaxanqachaqaqa.

Lucas 6:25

Chaqai 'xoraiquipiolec qamiri ma' se rqopachii nagui, ma' 'uo' ma'le ca rqopaaxahi. Chaqai 'xoraiquipiolec qamiri ỹalliguiritagui nagui, ma' ỹaatqajam noỹeñitapeguem ma'le ca rachicoxohi.

Juan 16:20

Ỹaatqajam llic da shinac caqamiri, quiyim qamiri noỹiñii ma'le chaqai chigoita, qam na qomyipi hueetalec na 'laua netoon ma'le. Qam 'eno'm chigoita qamiri ma'le, da rachicoxohi ñigui ma'le ca netoonaxaguii.

Hechos 7:54

Ca co'na' 'xaỹa dajo so nashillipi, ca' ỹaatqajam ro'o, ca mashic ỹa'que'ta na laqa', paguelec na lauel queso Esteban.

Santiago 4:9

Ỹaatqajam chigoita, chaqai nohiñii chaqai naualaxaiñii. Sqa ỹalliguiritac, ta'ta'a quiyim niñitesañi naua rachiri. Chaqai sqai huaguichiguiñi, ta'ta'a quiyim chigoita.