Ester 5:4 - La'qaatqa ñi qota'olec Qota'olec & Qota'olec Novita Na Qomyipi

⁴ —No'm 'maxariñite' qami' qarashi, ca ñi'xoresene'tot qami' quiyim lliquesaho ma'le' queca nqui'ỹaxac sahotaque quiyim qaremaqachiñi', ca ỹalequetaho nqai'ñi' ca Amán. Ca co'na'le, ca' so nashi relaataxan:

Ester 5:4 Iomraidhean Croise

Génesis 27:25

Co'na'le, ca 'naaco' so leta'a: —Ỹaalcolec, niỹoqoirishiguim na reuolqui', qaiyi sa'ic na la'at cá'maq qadoxonqui', ca' saanem qami' ma'le da iqouagaxa. Ca' so Jacob ỹaanem so loq so leta'a chaqai ỹodou'a so lataxa. Ca' que'e chaqai ne'et so Isaac.

Génesis 32:20

Chaqai 'ñiỹac ma'le qai'neeta: Na relaachiqui' Jacob qai'neeta naqueta co'uaataxanta coqomi'. Ma' so Jacob 'neetapquio' lauel: Nemanñi nqaishin ma'le ca lonogoxonaxac quena ỹameripi sa'auaxanta. Ca ma' ime, ca' ỹaatqajam ñiuañiguit. Ca' sqoue sqaica nqai'negue ma'le caỹim.

Ester 1:9

Ca asó'maq loua so nashi, leenaxat Vasti, so'maxare qai'neeta ỹo'uet so lqui'ỹaxac asó'maq louaaripi só'maq nashillipi nalecseripi quiyi la'a' so nashi Asuero.

Ester 3:15

Ca' so lere lo'ollipi chaqa'ma' taate'ogalo ma' chi la'qaatec so nashi. Ca' so na'qaatec chicqochi'ñi yi Susa na' qaỹa'xat. Ca' so nashi chaqai so Amán co'na' ñaq nqa'aamsañi ne'teeta'pe, ca ná'maq neeta'ñi yi Susa ỹaatqajam se ỹa'den ca 'neeta.

Ester 5:3

Ca' so nashi inat aso'maxare: —¿Negue' ca 'ñi'sa'pegue, qami' nashi Ester? ¿Negue' ca vi'saque? Ca ¡'eno'm shiilaxañitegue na lavinñi na seloqota'a 'lauaripi, qaiyiita saañiraxarom! Ca' aso Ester 'naaco':

Ester 5:5

—Chaqa'ma' quihe'oga ca Amán, qaiyi ipaquichigui dá'maq ỹahotaque ada nashi Ester. Ca' chaqaida 'neeta, ca' so nashi chaqai so Amán que' querepegue' ca nqui'ỹaxac ỹa'maxatetañi aso nashi.

Ester 5:8

No'm qami' qarashi 'ue ca rqo'iichi'i' caỹim, chaqai vi'saque 'viichi' cá'maq sahotaque, chaqai quiyim 'viichi' cá'maq sashiilaxanaque, ca lliquisaho' nete'e riỹa'isac ñi Amán queca liỹa nqui'ỹaxac sa'maxatetañi quiyim qaremaqachiñi'. Ca ma'le, ca' so'uet cá'maq shiilaxañisaque, qami' qarashi.

1 Corintios 14:20

Qamiri ỹaqaỹa', quecá'maq ra'deenataxanaxaguii 'neeto' 'ñiitari' ca noctoqui'. Coñiỹa quiyim 'ñiitari' ca noctoqui' quená'maq se no'uen, qam 'ec qamiri qo'xoiqa quecá'maq ra'deenataxanaxaguii.