Ester 5:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' aso loua chaqai so nauochaxauaripi 'neraco' queso'maxare: —Laataxañirelec quet quiyim qaỹa'yiñi aca qo'paq veintidos metros da ladogaxa nqai'ñi', qaiyi qaicoñishi'megue. Ca ma' nete'e nete'eta, ca shiila'e' ñi qarashi, qaiyi qaicoñishi'megue ca Mardoqueo, qaiyi ma' riỹa'isac ca nashi quirepegue' ca nqui'ỹaxac qaica ca huapigui qavilli'. Ca' dajo na'qaatec ỹaatqajam ỹa'maxarenta so Amán, ca relaataxanlec quiyim qaỹo'uet aso ncoñiitaxanaxalate.

Ester 5:14 Iomraidhean Croise

2 Samuel 16:21

Ca' so Ahitofel 'naaco' queso Absalón: —'Au lapa'ira'anto naua loua' leloxoỹaxanata so qataa'i' ná'maq no'ueenaqterañi quiyim reloxoira'a na lauo' lodegaxat. Qaiyi ná'ogue na Israel llaalqaipi ỹa'den quiyim ỹaatqajam qami' loquiiaxat ma'le so qataa'i'. Ca' ma'le, ca ỹaatqajam 'ue da na'ñaaqataxac ná'ogue ná'maq qami' la'gaxala'.

1 Reyes 21:25

(Qaica ca 'nejem malam so Acab quiyim chi nachicsec caso loua Jezabel, ca so'maxare ỹaatqajam 'xoic la'aaxa na ỹo'ueetetac quiñi qara'gaxala'.

1 Reyes 21:7

Qam aso loua Jezabel 'naaco' queso'maxare: —¡Qam qami' ná'maq qami' nashi quena Israel! Ca vichiguiño' ne'laxachirishiguim, qui'i', qaica ca huapigui qavilli'. Ỹim seshit ma'le quiyim ta'iraxauot yi lanaxanqa' so Nabot.

Ester 6:4

Ca queco'na'le, ca ỹoviro' so Amán quiyi nasoxoc quiyi novirqa' quiyi la'a' so nashi, ma' ỹahotaque quiyim rashiilaxan quiyim qaicoñirashiguim so Mardoqueo caso ỹaqatqajantari' lo'ueenata. Ca' so nashi renataxano' 'naaco': —¿Negue' dá'maq hueetalec na nasoxoc?

Proverbios 1:18

ca' najo ỹalliripi ỹo'uet aca loqoina, qam chi noqointeguelta', chaqai 'xoic da lichic quedá'maq chi nachaalataxac.

Romanos 1:32

Na'maxare ỹaatqajam ỹa'deenta ná'maq relaataxanlec ñi qota'a, chaqai ỹa'den quiyim ná'maq ỹo'ueetetac dajo tai'a yi nelauaxa. Qam qaiyiita ỹo'ueetetac, chaqai vire'ta nqo'ta quiyim 'ue ca iuane'ta ỹo'ueetetac da'maxare.

Romanos 3:15

Naua lichil ỹaatqajam yaraqa quiyim ralauataxan;

Apocalipsis 11:10

Ca ná'ogue na qomyipi quena 'laua netoonta'peguelo quiyim qaỹalauate' saua'maxare. Ỹaatqajam chalego da netoonaxac, vire'ta quiyim quiñi 'óna ỹa'ue ca lame ilata ca liỹa, ma' sauajo ỹale' ỹa'xatesac da la'qaatec ñi qota'a, ca' saua'maxare ỹaatqajam 'ue da nqui'ic nqai'ne' quena qom.