Ester 5:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' retaqatecto ỹa'xatetac da lesallaxa, chaqai quiyim 'xoic na llaalqaipi, chaqai quiyim so nashi ỹapacqajnauec quesá'ogue so liỹaripi so'maxare, chaqai ỹaanem yi paguec lecaic loma' ỹapacauec nqai'en quena liỹa lotauaripi so nashi.

Ester 5:11 Iomraidhean Croise

Génesis 31:1

Qam so Jacob ỹa'deeno' quiyim so llaalqaipi so Labán 'naaco' quen: Ñi Jacob icona ná'ogue na na'aateteripi ñi qareta'a, ca chaqaina ná'maq resalligui.

Ester 1:4

Ma' ỹahotaque ỹachaxanem da lesallaxa, da lecaic quiyim nashi, chaqai dá'maq qaica 'nejem lauaq da lquesaxanaxa. Ca' so lqui'ỹaxac ỹoviraqterauec saua seis shiriguiri.

Ester 3:1

Ca co'na' mashic shi'gom quedajo, ca' so nashi Asuero nqo'naxajshiguim queda lo'ueenataxanaxac so Amán, só'maq llaalec so Hamedata, so'maxare chigoxougui so Agag. Ca' so Amán qoỹanagui quiyim la'gaxala' na nashillipi.

Ester 8:15

Ca' so Mardoqueo co'na' nenoxonec quiñi 'imec lodegaxat, ỹantañi aso nashi lapooto icolaq chaqai lalagaxai, chaqai ỹantañi aso nashi nado'o 'oro chaqai so nepo' lino naueralec da letogaxa. Ca yá'ogue yi na'a' lodegaxat Susa ỹaualqatagui queda netoonaxac.

Marcos 10:24

Ca' saua lapaxaguinatqa ỹaatqajam 'ue da le'laqa' queda la'qaatec, qam so Jesús lotqai liỹo' 'naac quesaua'maxare: —Qamiri ỹaalqa, ¡ỹaatqajam 'ue da lqalaic quená'maq pe'eetapega da lesallaxa quiyim inoxona'a da lo'ueenataxanaxac ñi qota'olec ma' ỹoiquentac ná'ogue najo!

1 Timoteo 6:17

Chaqai ná'maq mashic ỹovita quiyim mashic nesallaxanec, ca' 'ñirapega quiyim se nemaqajnaxai, chaqai sqai hueetagui nqai'en ca naquitaxac da lesallaxa, ma' da'maxare sqai 'neetari'. Ta'ta'a quiyim illo'ot da naquitaxac ñi qota'a, ma' nca'leetauec ñi'maxare, chaqai ỹaanema qomi' ná'ogue ná'maq qarouenec, qam ỹapacauec nqai'en, ca lotqai ñitoonqata'pegue.