Ester 4:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' aso Ester roỹaxane'oga so Hatac, so'maxare lashi so neloxoỹaripi queso nashi, ca 'naapega quiyim ra'ỹa'oga so Mardoqueo, chaqai quiyim inat negue' cá'maq 'neeta, chaqai negue' cá'maq 'neeta quiyim ỹo'uet dajo.

Ester 4:5 Iomraidhean Croise

Ester 1:10

Ca co'na' mashic siete na'xata' so nemaqachic, ca' so nashi ỹaatqajam ỹa'maqachiguiñi, ma' ne'teetac lataxa. Ca ila' so Mahumán, Bizta, Harbona, Bigta, Abagta, Zetar chaqai so Carcas, só'maq siete nalliripi ỹaatqajam lpe'eet,

Ester 1:12

Qam aso'maxare se na'xaỹaxana dá'maq la'qaatec so nashi quesaua lelaatqa ỹale'. Co'na'le, ca' ỹaatqajam ro'o so nashi. Ca co'na' ñaq ro'ootari',

Ester 4:10

Ca co'na'le, ca' aso Ester liỹa ilarec so Hatac, qam ỹo'uet da lopilaxaset da la'qaatec so Mardoqueo:

Ester 4:4

Ca' aso nelaatallipi qaỹauaaque lotauaripi aso nashi Ester, chaqai so ỹalliripi qaỹauaaque neloxoỹaq caso'maxare qaỹa'ue la'xaỹaxac aso'maxare quedá'maq qohinta'pegue. Ca co'na'le, ca' aso nashi 'xoic da lachicoxo, ca' ilarerec saua noho quiyim ỹañiñi so Mardoqueo, ca ỹadalaxate' saua loho ỹansañi. Qam so'maxare se icoñiguita.

Ester 4:6

Ca' so Hatac quepegue' so Mardoqueo quiyim retaxaỹa'pegue', neetañigui añi nouoxoqui quiyi na'a' lodegaxat, naloote'oga ñi lasom ñi nashi lauo' lodegaxat.

Ester 4:9

Ca' so Hatac pilo, ca' ỹa'xatem aso Ester dá'maq 'naaco' na'le so Mardoqueo.

Romanos 12:15

Netoonaxauahi cá'maq netoontac, chaqai noỹenaxauahi cá'maq noỹentac.

1 Corintios 12:26

Ca no'm 'ue ca hua'ñi quena nouenqaipi ca qaiuet, ca ná'ogue na liỹaripi 'ue da le'xoric. Chaqai no'm 'ue ca pa'ỹa'gue quena nouenqaipi ỹaatqajam qaiquelola, ca' ná'ogue na liỹaripi netoon.

Filipenses 2:4

Chaqai qaica cá'maq chi nodaata'pegue' quet idaantaque cá'maq chi la'maxa. Ta'ta'a quiyim ỹahotaque quiyim ỹa'maxañi qai'neeta ca liỹa.

Hebreos 4:15

Ma' só'maq qaretaxaỹaxanqajnec, so'maxare ishit i'xorene' qomi', ma' qaica ca qarquesaxanaxa. Ma' so'maxare qai'neeta 'xoico' na'le da le'xoric, ma' 'xoic da ne'guenaxaquipi ỹoreta'oguit, 'nejme' qomi', qam so'maxare qaica ca lasauaxaset.