Ester 4:3 - La'qaatqa ñi qota'olec Qota'olec & Qota'olec Novita Na Qomyipi3 Chaqai qai'neete' nauá'maq 'lauari quená'maq ỹovira'a da la'qaatec so nashi ỹaatqajam 'xoic da lachicoxo na judioipi. Ca na'maxare se que'e, noỹentagui, chaqai naualqategueñi, chaqai 'xoic quena'maxare nenantañigui na lo chaqai ỹañiñi naua noho nachicoxoqui'. Faic an caibideil |
Ester 4:3
20 Iomraidhean Croise
Ca na' ỹovire'oga so na'xa'a trece queso 'auaxaic shiraigo queso ñaaxa, ca qaroỹaxane'oga so leraxanqajanqaipi so nashi, ca' ỹiriñi dá'maq la'qaatec so Amán, ca' qailata na nashillipi reloqota'alo naua liỹa' 'lauari qoỹeretalec nauá'maq chi la'qaatqa ná'maq qomyipi reloqota'a chaqai hueetalec da leenaxat so nashi Asuero chaqai qaỹotocqotañi aso letanaxanqate so lashi na nashillipi.
—Mo'e', lapooñireta' ná'ogue na judioipi quena Susa, qaiyi nqopaaqachit caỹim. Ca' qaica ca ỹa'ic chaqai ca ni'chigui quenaua tres na'xata'. Naua ilaata chaqai ỹim qai'neeta shinqa'tegue. Ca ma' ime, ca' shicpegue' ya'ỹau'a ñi nashi, 'eno'm dajo se nachiñiguit da naqataxac. Ca no'm qayalauat, qam 'eno'chaqai.
Ca' aso nelaatallipi qaỹauaaque lotauaripi aso nashi Ester, chaqai so ỹalliripi qaỹauaaque neloxoỹaq caso'maxare qaỹa'ue la'xaỹaxac aso'maxare quedá'maq qohinta'pegue. Ca co'na'le, ca' aso nashi 'xoic da lachicoxo, ca' ilarerec saua noho quiyim ỹañiñi so Mardoqueo, ca ỹadalaxate' saua loho ỹansañi. Qam so'maxare se icoñiguita.
Ca' qarelaataxanlec quiyim qaỹo'uet sojo nemaqachic qaỹamata'gue Purim quesó'maq qoỹicagui na'xa'a, qaipacqajanchigui dá'maq 'nerac saua Mardoqueo chaqai aso nashi Ester, taỹaugui so'maxare chaqai na llaalqaipi. Chaqai chaqa'ma' qaỹoqotero dauá'maq liỹa' naqataxaco da nqopaaqachitaxac chaqai da oỹenaxac.
Sanasan