Ester 4:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ —Mo'e', lapooñireta' ná'ogue na judioipi quena Susa, qaiyi nqopaaqachit caỹim. Ca' qaica ca ỹa'ic chaqai ca ni'chigui quenaua tres na'xata'. Naua ilaata chaqai ỹim qai'neeta shinqa'tegue. Ca ma' ime, ca' shicpegue' ya'ỹau'a ñi nashi, 'eno'm dajo se nachiñiguit da naqataxac. Ca no'm qayalauat, qam 'eno'chaqai.

Ester 4:16 Iomraidhean Croise

Génesis 18:19

Ma' ỹim ica'acsec na'maxare, qaiyi 'naapega ca llaalqaipi chaqai ca lauaripi quiyim huelec da ỹapaxaguinataxanaxac, chaqai quiyim ỹo'uet ná'ogue ná'maq ỹa'maqachiguiñi chaqai da no'uen ñicyaxac, qaiyi sepacqajanchigui ná'ogue ná'maq shinac na'le.

Génesis 43:14

Ca' ñi qota'olec ñí'maq sqaica lqalanec ỹo'uet quiyim qare'xoriñii ma'le, qaiyi qaỹosouec ca liỹa rqaỹahi chaqai ñi Benjamín. Chaqai caỹim, no'm taachigui quiyim qaica ca ỹaalec, ca' ¡chaqaida qaica ca ỹaalec!

Ester 4:15

Co'na'le, ca' aso Ester ila' da la'qaatec queso Mardoqueo, 'naaco':

Ester 4:17

Ca co'na'le, ca' so Mardoqueo eec ipacqajanchigui dá'maq 'naac aso Ester.

Ester 4:3

Chaqai qai'neete' nauá'maq 'lauari quená'maq ỹovira'a da la'qaatec so nashi ỹaatqajam 'xoic da lachicoxo na judioipi. Ca na'maxare se que'e, noỹentagui, chaqai naualqategueñi, chaqai 'xoic quena'maxare nenantañigui na lo chaqai ỹañiñi naua noho nachicoxoqui'.

Ester 5:1

Ca co'na' ỹovirerec saua tres na'xata', ca aso Ester ỹañiñi saua loho nashi loho, ca eec inoxonou'a yi nasoxoc so nashi. Ca co'na' ỹovira'a, ca' hua'e quiyi naloote'oga yi nqa'xanqa' so'maxare ma' naloote'oga so lasom.

Ester 9:31

Ca' qarelaataxanlec quiyim qaỹo'uet sojo nemaqachic qaỹamata'gue Purim quesó'maq qoỹicagui na'xa'a, qaipacqajanchigui dá'maq 'nerac saua Mardoqueo chaqai aso nashi Ester, taỹaugui so'maxare chaqai na llaalqaipi. Chaqai chaqa'ma' qaỹoqotero dauá'maq liỹa' naqataxaco da nqopaaqachitaxac chaqai da oỹenaxac.

Jeremías 36:9

Ca' quesaua cinco ñaxari chaqai nueve shiriguiri quiyim nashi quiyi Judá so llaalec so Josías, leenaxat Joacim, ca' quelec quiyim nqopaaqachit quiñi qara'gaxala' so neeta'ñi yi Jerusalén chaqai ná'maq chicqa'ogalo naua liỹa' na'aate' quiyi Judá.

Mateo 12:40

Ma' dá'maq 'neeto' na'le so Jonás co'na' hueetagui na lauel so nallin lodegaxat tres na'xata' chaqai tres piri, ca' chaqaida 'neeta ma'le najo ỹale llaalec hueetaugui ma'le na lauel na 'laua tres na'xata' chaqai tres piri.

Lucas 9:24

Ma' ca nishiitaque nca'laxatec da nachaalataxac, ca na'laxatañi. Qam ca na'laañi da nachaalataxac soualec aỹim, ca chaqaica ca nca'laxatec da nachaalataxac.

Juan 19:22

Qam so Pilato 'naaco' queso qomyipi: —Dá'maq shiriñi, ca' chaqaida 'neetari'.

Hechos 10:7

Ca co'na' eec so qota'a lelaatec retaqata'pegue', ca' so Cornelio roỹaxanalo saua dos lelaatqa chaqai so nouaataxanaq le'ec. Sojo ỹale mashic shi'gom icoñiguit da na'qaatec chaqai npe'eet ma' qamaxaraic.

Hechos 20:24

Qam quedajo qaica ca ñqovilga; vire'ta da chi ñachaalataxac qaica ca 'negue nqaishin caỹim. Qaidaata yishiitaque quiyim 'xoic ca ñitoonaxac quiyim somateta da ỹo'ueenataxanaxac, chaqai yipaquejlec da laqataxac nañaañim ñi qara'gaxala' Jesús, quiyim saanec da no'uen na'xaỹaxac queda le'xorenataxanaxa ñi qota'a.

Hechos 21:13

Qam so Pablo 'naaco': —¿Chi'negue ma' nohiñitac chaqai viitaque na ỹachicoxo? Ma' ỹim mashic ñomatalta' quiyim sqaidaata quiyim qaycoñi', qai'neeta quiyim yileua'ñi yi Jerusalén, sasoualec so qara'gaxala' Jesús.

Hechos 27:33

Ca co'na' tot qoỹoxoguit so na'xa'a, ca' so Pablo ỹahotaque quiyim sá'ogue so qomyipi 'ue ca ỹa'ic. Ca 'naaco': —Mashic ỹovi' catorce na'xata' qaica ca laq chaqai qaica ca que'e.

Hechos 9:9

Ca' yí hueetau'o' tres na'xata', se neuanñi chaqai se que'e chaqai qaica ca ni'chigui.

Romanos 16:4

Ma' caua'maxare npa'xanchiguit da lichic na' nca'laxaterec aỹim. Ca' ỹim saanec da ña'aachic quecaua'maxare. Chaqai mesqaỹimeta, ma' qai'neeta ná'ogue ná'maq mashic icoñiguit da na'qaatec quená'maq sqai judioipi.

Filipenses 2:30

Ma' ñi'maxare mashic sham ileu ma' ro'ueenataxantacot so Cristo. Chaqai ỹaañiguit da nachaalataxac da lichic na' yotauan quedá'maq qamiri sqai shichii yotauañiigue ma' qoỹore'talo qamiri.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.