Ester 4:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ No'm re'maqaite' nagui qaica ca 'ñirac, ca' ca lca'laxa na judioipi ỹoqa'a ca chicqa'gue ma'le. Qam qami' chaqai naua chicqoirauguilo qata'alli' ileue' ma'le. Ca' ¡sqoue quiyim vichirau'a qami' nashi, ma' qaỹahotaque qarotauañi' quedajo!

Ester 4:14 Iomraidhean Croise

Génesis 22:14

Ca na' ime, ca' so Abraham ỹa'uo' da leenaxat yijo 'laua, leenaxato' nqai'en: Ñi qara'gaxala' ỹa'ue cá'maq qaỹouentaque. Vichiguiño' nagui qaiyiita qohinac: Cada quemaralec ladocai ñi qara'gaxala' ỹa'ue cá'maq qaỹouentaque.

2 Reyes 19:3

quiyim ỹa'xatem dá'maq 'naac so nashi Ezequías: —Nagui ỹaatqajam seuqataugui da nachitachic, qanouaxanaxaset chaqai sa'llaaqachiguiñi, shinqatari' aca 'aalo quiyim sham co'o, ca' tot qaica ca lquesaxanaxa.

Esdras 9:9

Ma' 'eno'm qomi' na'aqa, qam se qaralachi'. Ta'ta'a quiyim choxochi' da rqouagaxa'e' coqomi' iuanchigui nqai'ñi' yi nashillipi quiyi Persia, chaqai 'ỹaañitema qomi' da qarca'laxa, qaiyi liỹa ño'xonaxashiguim añi ro'ueenaxanaxagui'i' quiyim mashic ñá'ogue 'guiñi, chaqai 'ootaxañirelgoto qomi' quena Judá chaqai na Jerusalén.

Ester 2:15

Ca co'na' aso Ester asó'maq llaale so Abihail só'maq neteesqo' so Mardoqueo ỹovira'a quiyim nachaxana'a so nashi, ca aso'maxare i'xate' qaisauate' sauá'maq 'neetapegalo' na'le so Hegai só'maq lpe'eet so nashi chaqai neloxoỹaq queso 'aallipi. Ca co'na'le, ca' aso Ester sá'ogue qanqo'ta quesó'maq cochiitapega so 'aallipi.

Ester 2:17

Ca' so Asuero ỹaatqajam chalego' da lqo'iichi caso Ester, se ỹauanapego' quen 'neeta caca liỹa 'aalo. Ca aso'maxare ỹaatqajam imaalec da lqo'iichi so nashi Asuero, ca so Asuero ỹapacqajnauec aso'maxare queso liỹa 'aallipi ỹovira'a so'maxare, ca' ỹañigui na lqahic aso nashi nado'o, ca' ỹana'ñi yi loma' aso Vasti quiyim nashi.

Ester 2:7

Ca' so Mardoqueo 'uo' aso lqaỹa liỹa. Aso'maxare na'pelqotam. Ca so'maxare ỹiro quiyim llaale na' tot qaicaua caua leta'al. Aso'maxare leenaxat Hadasa chaqai da liỹa leenaxat Ester. So'maxare ỹaatqajam imaañi lo'yaxana chaqai ta'chiguit da no'ueenataxac.

Ester 4:13

ca' lotqai ilaro da la'qaatec: —'Neeto' 'neetapigui qavilli' quiyim mashic ñiisaugui na nashi lauo', ca qaqamite' chicqoiraugui na judioipi, ca' rca'llirec ma'le quiyim se qaralauachi'.

Ester 4:15

Co'na'le, ca' aso Ester ila' da la'qaatec queso Mardoqueo, 'naaco':

Job 9:18

Ca' ỹaatqajam nqo'naxatec da nqui'ic, ca' se ỹa'ue ca idaaqa' quiyim ñauec ca ỹacat.

Eclesiastés 3:7

'Ue yi laloqo' quiyim 'ue ca qaỹasectaqta'gue, chaqai 'ue yi laloqo' quiyim 'ue ca qaneuara'gue. 'Ue yi laloqo' quiyim retaqa na qom, chaqai 'ue yi laloqo' quiyim i'maxañi.

Isaías 49:23

Naua nashillipi ra'ualaxahi' qata'alli' ma'le, chaqai nauá'maq llaallipi neloxoỹaxallipi caqami' ma'le. Chaqai nqa'paxanñi, ỹoviraxata'guit nqai'en na latap na 'laua, ca' neneequesenta, ỹachaxan dá'maq quiyim se napacalec aqami'. Ca 'yiiñira'a ma'le quiyim ỹim ná'maq ỹim na'gaxala', ca ná'maq pi'ỹa'a ỹim mese pe'taxantegueri'.

Mateo 16:18

Ca' ỹim shinac caqami' Pedro ma' qami' qa'. Ca' quenajo qa' so'xonejlec ma'le aca ỹo'ueenaxanaxaqui. Ca' vire'ta da nelauaxa se ishit ỹosogui ma'le aca'maxare.

Mateo 24:22

Ca' ñi qota'olec quetqai se nqo'naxajta' cauajo na'xata', ca' qaica quet cá'maq ishit nca'leuec. Qam nqo'naxajta' ma'le, ma' i'xoren ná'maq lca'acseripi.

1 Samuel 17:29

—Ca ¿negue' cá'maq so'ueeto' nagui? —'naaco' so David—, ma' chi setaqa.