Ester 4:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' so Mardoqueo ỹa'den dá'ogue dajo, ca nasectaqta'ahi saua loho queda nqui'ic, ca ỹañiñi saua noho nachicoxoqui', ca' imiichigui na lqahic quena lo. Ca' eec queguelo naua nayico yi na'a' lodegaxat ỹaualqata'pegue'.

Ester 4:1 Iomraidhean Croise

Génesis 27:34

Ca co'na' so Esaú 'qaachigui dá'maq 'naac so leta'a, ca' noỹen, naualqategueñi. —¡Qami' itaa'i', ỹim qai'neeta nañaañirim ca rqouagaxa'e'!

Génesis 37:34

Co'na'le, ca' so Jacob nasectaqta'ahi saua loho, ca' ỹañiñi saua noho nasouaxaqui'. Ca' dajo lasouaxac so llaalec mesqai chita'gue ca ỹapalaxat.

2 Samuel 1:11

Co'na'le, ca' so David chaqai sauá'maq liỹareta'pe nasectaqta'ahi naua loho queda nqui'ic.

Ester 4:2

Ca chi ỹovireto'o' ñi lasom ñi 'imec lodegaxat lauo' so nashi, qam se inoxono, ma' se qaỹa'maxaren quiyim inoxono ca qom ỹansañi saua noho ỹansañi so'maxare.

Ester 4:3

Chaqai qai'neete' nauá'maq 'lauari quená'maq ỹovira'a da la'qaatec so nashi ỹaatqajam 'xoic da lachicoxo na judioipi. Ca na'maxare se que'e, noỹentagui, chaqai naualqategueñi, chaqai 'xoic quena'maxare nenantañigui na lo chaqai ỹañiñi naua noho nachicoxoqui'.

Job 1:20

Ca' so Job mashic paguec da nqui'ic, ca ne'laxashiguim, ca nasectaqta'ahi saua loho, ca ỹoselaxajlec na lqahic, ca ỹa'chi'iñi naua le'cootal, ca nqouagaxainot ñi qara'gaxala'.

Job 2:8

Ca co'na'le, ca' so Job quepegue' ca lete loma', ca' nqa'xanñi, ca' icona so 'ueena lahi, ca niviigaxat.

Job 42:6

Ca vichiguiño' nagui, ca 'xoic da ñitogotaxa, ca ñqa'xantañigui na namoxoỹaxa chaqai na lo quena ỹayiloxo.

Isaías 58:5

¿'Ñiitapego' quiyim ca yqo'ta qopaaqataxac taỹaugui quiyim ỹahotaque ca le'xoric, chaqai quiyim nanaxañi nqai'en ñi lqahic 'ec aca na'uaate chaqai quiyim nenanñi queeta'anto caua loho ne'xoyaxaqui' hueetañigui ca lo? ¿Chaqaido' dá'maq 'ñiỹac qopaaqataxac chaqai ñi qara'gaxala' nqo'ta sojo na'xa'a?

Miqueas 1:8

Vichiguiño' ñoỹen ma'le paguec da ỹachicoxo, ca' queda'maxare, ca sqai sañiñi ma'le caua ipelate' chaqai sentauec, ca' soso'ota'pegue', shintari' ca cotaapla', chaqai ñoỹen, shintari' ca mañic llaalec ro'uaataxantac.

Mateo 11:21

—¡Ỹaatqajam chalego re'xoriguii, qamiri ñiỹa'ñi na na'a' Corazín! ¡Chaqai ná'maq neeta'ñi na na'a' Betsaida! Ma' quetqai hua'ño' yi na'a' Tiro chaqai yi Sidón ná'maq qaỹo'uet se qaiuanapega quená'maq qaỹo'uet na'le caqamiri, shi'gue quet ỹaxañiñi naua lanatqa, chaqai nachaxanta queta'le ỹañiñi caua noho nasouaxaqui', chaqai nemeetalta' quena lo.

Hechos 14:14

Qam co'na' so Pablo chaqai so Bernabé retane' dajo, ca nasectaqta'ahi saua loho, ma' se ỹa'maxarene' dajo. Ca' taaringui yi lavinñi so qomyipi, ca' nelamaxarene', 'neraco':

Apocalipsis 11:3

Ca' ỹim selate' ma'le saua dos ỹa'qaataxanqajanqa quiyim ỹa'xatesac aỹim quecaua mil doscientos sesenta na'xata', ỹansañi caua noho ná'maq ỹañiñi ca qom quena' 'ue ca lasauaxanec.