Ester 3:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' qami' qarashi, no'm 'maxariñite', ca' 'ỹaañiro ca ra'qaachiqui' quiyim qanalauajñi. Ca' ỹim saanec quena nashillipi rotauachi'ipi ca trescientos treinta mil kilos na lecat leenaxat plata taỹaugui nqaishin añi qadami' lahi'.

Ester 3:9 Iomraidhean Croise

Génesis 23:16

Ca' so Abraham ishit ishiueten aca roỹaxanaque so Efrón só'maq hitita le'ec. Ca' iuanchigui sá'ogue so hitita laseripi na' ỹomatauec ishiueten aso laseuete yijo 'laua.

Ester 3:10

Ca co'na'le, ca' so nashi naqate'e aso lichicshaqate, ca' ỹaanem so Amán só'maq npa'guenaxaua na judioipi.

Ester 3:8

Ca' so Amán 'naaco' queso nashi Asuero: —Quiyim quená'ogue na na'aateripi quená'maq 'lauari hueeto'oto da rquesaxanaxa'e', qami' qarashi, ma' 'ue na noỹootetapeguec quena liỹaripi quená'maq se nachiñiguita naua loico na liỹaripi chaqai na'maxare se na'xaỹaxana da ra'qaachiqui'. Ca se ỹa'maxañi quiyim najo qomyipi ỹalequetaho queda ro'ueenataxanaxaqui' quiyim qami' nashi.

Ester 4:7

Ca' so Mardoqueo ỹaatqajam ra'qaataxane'tem so'maxare quedá'maq qohinta'pegue, chaqai ỹa'xatem yí'maq ỹorete' ayi plata ỹachaxantac so Amán quiyim ỹaneu'a aso lam lahi' so nashi, quiyim laseuete nqai'en na judioipi quiyim nomachichiguiñi ỹalauat.

Ester 7:4

Ma' ỹim chaqai na iuo' laseripi qaimeene' qomi', qaiyi qanalauachiñi qomi'. Qaica nqai 'negue queta' qaimeene' quiyim na'aqa qomi', ca' yi'maqata queta'le, ma' na qanpa'guenaxaua se noquiiguiñi nqai'en da resallaxa'e' qami' qarashi.

Daniel 3:8

Ca' 'vii saua Caldea lase' nquipitero quiyim talaxaneguelo saua judío lase' queso nashi Nabucodonosor.

Mateo 18:24

Ca co'na' mashic naloqochintac ana na'uale, ca qanauequetaho' so 'óna ỹaatqajam 'xoic aso la'uale.