Ester 3:4 - La'qaatqa ñi qota'olec Qota'olec & Qota'olec Novita Na Qomyipi

⁴ Chaqai quesaua'que saua na'xata' qaidaata qainateta'pegue, qam so'maxare se na'xaỹaxan. Ca co'na'le, ca' qara'qaataxana so Amán, sha'apiguito' so Mardoqueo ipaquichigui nqai'en da la'qaatec, ma' so'maxare shi'co' 'naac quesaua'maxare quiyim judío le'ec.

Ester 3:4 Iomraidhean Croise

Génesis 39:10

Qam aso'maxare ỹaatqajam 'ue da lepagaxallic queso José quenaua'que naua na'xata' quiyim viguit aso'maxare chaqai quiyim huaqate'e', qam so José se na'xaỹaxana.

Esdras 1:3

Ca' canchaqaica caqamiri quená'maq lalamaxaret ñi qara'gaxala' qota'olec, ca' mohi, 'iigue da Jerusalén yí'maq huaugui yi 'laua Judá, ca rotauañii ma'le ñi qota'olec. Ca' no'xoñishiguim ca lo'ueenaxanaxaqui ñí'maq qota'olec quena llaalqaipi so Israel, ma' ñi'maxare neeta'ñi yi Jerusalén.

Ester 3:3

Ca co'na'le, ca' so lotauaripi so nashi inato' so Mardoqueo chi'negue ma' se na'xaỹaxana da la'qaatec so nashi.

Ester 3:5

Ca co'na' so Amán ỹaatqajam ỹa'deenta quiyim so Mardoqueo se ỹa'dooto naua le'cootal so'maxare chaqai se nanaxañi nqai'en na lqahic, ca so Amán ỹaatqajam ro'o.

Daniel 3:12

Hua', qam nagui 'vii daua judío lase' dauá'maq qami', qami' qarashi, ñi'ra'ñi quiyim idaandelec na 'laua Babilonia, ỹaatqajam qaica ca ỹauaaque qami', chaqai se na'xaỹaxan se nqouagaxainot na rashiilqui' nqolaquipi chaqai ñi nadenqatec qom imaañi 'oro só'maq laataxañirelec na'le quiyim qaỹo'uet. Ca' so Sadrac, Mesac chaqai so Abed-nego chaqaisaua sauá'maq se na'xaỹaxane'.

Daniel 6:13

Co'na'le, ca 'neraco': —Ñi Daniel ñí'maq judío le'ec ỹoqa'a da 'laua qaỹachigoxota'gue, ñi'maxare qaica ca ỹauaaque qami', qami' qarashi, chaqai só'maq qana'deenaxac shi'gue 'deenaxanaxañitegue na qom, ma' qomi' seuanqalec quiyim tres nqouagaxain quiyi na'xa'a.

Jonás 1:9

Ca' so Jonás 'naaco' quesaua'maxare: —Ỹim hebreo le'ec, ñqouagaxaintacot quen ñi qara'gaxala' qota'olec neeta'gue da piguim, lo'ueenata ana huaaxai chaqai na 'laua.