Ester 3:2 - La'qaatqa ñi qota'olec Qota'olec & Qota'olec Novita Na Qomyipi

² Ca ná'ogue na ro'ueenataxantacot so nashi quená'maq hueeta'ñi yi la'a', ca na'maxare ỹa'chi'iñi naua le'cootal, ca ỹoviraqta'guit na latap na 'laua chaqai nanaxañi na lqahic quena' qoyique'tot queso Amán chaqai quena' qareloqota'guit, ma' chi lelaataxanaxac so nashi. Qam so Mardoqueo se na'xaỹaxana dajo na'qaatec.

Ester 3:2 Iomraidhean Croise

Génesis 41:43

Ca co'na' ime, ca' renojñigui nqai'en aso nahoglena, chaqai'eno' quen coỹaretaho casó'maq chi lahi'. Ca' relaataxan quiyim 'ue na 'aueta ỹaualqatagui 'naacsa': ¡Ñaqai huachigue ca ñic! Ca' chaqaido' da 'neeta na'le na' so José qoỹanagui quiyim idaanlec yá'ogue yi 'laua Egipto.

Ester 2:19

Ca' quesaua liỹa' na'xata' na' so nequetegaxaipi qaỹauega so lauo' lodegaxat so 'aallipi, ca' so Mardoqueo nqa'xantañi quiñi lasom ñi lauo' so nashi.

Ester 2:21

Ca co'na' so Mardoqueo nqa'xantañi quiñi lasom ñi lauo' lodegaxat so nashi, ca 'qaatapegalo saua Bigtán chaqai so Teres, saua'maxare nashil neloxoỹa' queso nashi, reloqosa'a ñi lasom ñigo quiñi 'imec lodegaxat. Saua'maxare ỹaatqajam ro'ootasa'lo retaqasapigui cá'maq 'neesa'gue quiyim ỹalauate' so nashi Asuero.

Ester 2:5

Ca' queso na'a' lodegaxat Susa neeta'ño' so judío le'ec, leenaxat Mardoqueo. So'maxare leta'a so Jair, chigoxougui so Simei chaqai so Cis, saua'maxare chigoxorougui so Benjamín.

Ester 3:1

Ca co'na' mashic shi'gom quedajo, ca' so nashi Asuero nqo'naxajshiguim queda lo'ueenataxanaxac so Amán, só'maq llaalec so Hamedata, so'maxare chigoxougui so Agag. Ca' so Amán qoỹanagui quiyim la'gaxala' na nashillipi.

Ester 3:3

Ca co'na'le, ca' so lotauaripi so nashi inato' so Mardoqueo chi'negue ma' se na'xaỹaxana da la'qaatec so nashi.

Ester 3:5

Ca co'na' so Amán ỹaatqajam ỹa'deenta quiyim so Mardoqueo se ỹa'dooto naua le'cootal so'maxare chaqai se nanaxañi nqai'en na lqahic, ca so Amán ỹaatqajam ro'o.

Ester 5:9

Ca' so Amán na' pil ime so lqui'ỹaxac ỹaatqajam ỹa'maqachigui lauel chaqai netoontac. Qam ỹaatqajam ro'o na' iuane'ta so Mardoqueo hueeta'ñi ñi lasom, se ne'laxashiguim chaqai se redaỹac na' que'tegueyi so'maxare.

Salmos 15:4

cá'maq se nqo'ta ra'ỹa'a cá'maq se qanqo'chiguit, qam imaqachin cá'maq imaqachin ñi qara'gaxala'; cá'maq ipacqajanchigui ca la'qaatec, 'eno'm se ỹa'maxañi ca 'neetari';

Éxodo 17:14

Co'na'le, ca' ñi qara'gaxala' 'naaco' queso Moisés: —'Chiriñi dajo caca lere, qaiyi no'leentaxat. Chaqai 'ñirac queda Josué quiyim ỹim sapalaxat da 'neeta na Amalec llaalqaipi.

Éxodo 17:16

Ca 'naaco': ¡Aso letana ñi qara'gaxala' lo'xoita'a! ¡Ñi qara'gaxala' nalauateta'pegue' na Amalec llaalqaipi, ca' se neme queetaugui qai'neeta na llaalqaipi! (18.1-27 So Moisés na'xaỹaxane'ta so Jetro, ca' ỹo'uet so liỹa lotauaripi.)

Filipenses 2:10

qaiyi ma' qara'xaỹaque da leenaxat so Jesús, ca ỹa'chi'iñi naua le'cootal ná'ogue na hueeto'ot na piguim, chaqai quena 'laua, chaqai na pa'aatañi quena 'laua,

1 Samuel 15:3

Ca vichiguiño' nagui quirepegue', nalauachire'e'; qam ỹaatqajam nomachichiriñi, liỹa'ñi' nqai'ñi' ná'ogue na lalamaxareteripi; lauachi' na ỹalliripi, 'aallipi, ñaaqaipioqui', vire'ta na chita'gue ne'qaañi, chaqai na toorollipi, qagretaipi, nauaanaxanaxa late'ellipi chaqai na 'ashinyipi.