Ester 3:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' so lere lo'ollipi chaqa'ma' taate'ogalo ma' chi la'qaatec so nashi. Ca' so na'qaatec chicqochi'ñi yi Susa na' qaỹa'xat. Ca' so nashi chaqai so Amán co'na' ñaq nqa'aamsañi ne'teeta'pe, ca ná'maq neeta'ñi yi Susa ỹaatqajam se ỹa'den ca 'neeta.

Ester 3:15 Iomraidhean Croise

Génesis 37:25

Ca co'na' ime, ca nqa'xañiñi qui'ỹe'. Ca' queco'na'le, ca' iuanchichiguit so Ismael llaalqaipi no'viiquetañi chicqota'gue da Galaad, ỹahote'e ana li'ỹaaquioxolate lalo nauaanaxanaxa late'ellipi, li'ỹaac na coraxat lo'daxaraic lahita, chaqai na qo'paq louaq ỹoreta'oguit leenaxat bálsamo chaqai ana mirra, ỹodo'ogue da Egipto.

Ester 1:10

Ca co'na' mashic siete na'xata' so nemaqachic, ca' so nashi ỹaatqajam ỹa'maqachiguiñi, ma' ne'teetac lataxa. Ca ila' so Mahumán, Bizta, Harbona, Bigta, Abagta, Zetar chaqai so Carcas, só'maq siete nalliripi ỹaatqajam lpe'eet,

Ester 4:16

—Mo'e', lapooñireta' ná'ogue na judioipi quena Susa, qaiyi nqopaaqachit caỹim. Ca' qaica ca ỹa'ic chaqai ca ni'chigui quenaua tres na'xata'. Naua ilaata chaqai ỹim qai'neeta shinqa'tegue. Ca ma' ime, ca' shicpegue' ya'ỹau'a ñi nashi, 'eno'm dajo se nachiñiguit da naqataxac. Ca no'm qayalauat, qam 'eno'chaqai.

Ester 8:15

Ca' so Mardoqueo co'na' nenoxonec quiñi 'imec lodegaxat, ỹantañi aso nashi lapooto icolaq chaqai lalagaxai, chaqai ỹantañi aso nashi nado'o 'oro chaqai so nepo' lino naueralec da letogaxa. Ca yá'ogue yi na'a' lodegaxat Susa ỹaualqatagui queda netoonaxac.

Proverbios 1:16

ma' da llicyaxac taỹa'a yi se no'uen; ¡'xoic da lquipitqachic quiyim ỹocoraxata'pe caua neuo'!

Proverbios 31:4

Qami' ỹaalec Lemuel, se ỹa'maxañi quiyim ca nashi chaqai na'gaxala' ne'et quena lataxa chaqai na quesaxan lataxa,

Amós 6:6

Late'ogue' ana ne'taxaguii quena' ni'chi quena lataxa, viñitac ná'maq no'uen coraxat lo'daxaraic lahita, ¡chaqai 'ec qaica nqai'negue nqai'ñii dá'maq qohinta'gue quiyim qanopoxoỹaxajñi na na'lauahi!

Juan 16:20

Ỹaatqajam llic da shinac caqamiri, quiyim qamiri noỹiñii ma'le chaqai chigoita, qam na qomyipi hueetalec na 'laua netoon ma'le. Qam 'eno'm chigoita qamiri ma'le, da rachicoxohi ñigui ma'le ca netoonaxaguii.

Apocalipsis 11:10

Ca ná'ogue na qomyipi quena 'laua netoonta'peguelo quiyim qaỹalauate' saua'maxare. Ỹaatqajam chalego da netoonaxac, vire'ta quiyim quiñi 'óna ỹa'ue ca lame ilata ca liỹa, ma' sauajo ỹale' ỹa'xatesac da la'qaatec ñi qota'a, ca' saua'maxare ỹaatqajam 'ue da nqui'ic nqai'ne' quena qom.