Ester 3:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' mashic shi'gom quedajo, ca' so nashi Asuero nqo'naxajshiguim queda lo'ueenataxanaxac so Amán, só'maq llaalec so Hamedata, so'maxare chigoxougui so Agag. Ca' so Amán qoỹanagui quiyim la'gaxala' na nashillipi.

Ester 3:1 Iomraidhean Croise

Génesis 41:40

Ca' nagui spa'xañiraxalec quiyim daañirelec na ỹa'a' lodegaxat chaqai ná'ogue na iuo' laseripi quiyim na'xaỹaxane'ta qami' quecá'maq 'ñirac. Chaqaỹimeto' sapacauec caqami'; ỹim, ma' ỹim nashi.

Génesis 41:55

Ca co'na' ỹoviro'ot na lqopaaxa ná'maq na'ñi yi Egipto, ca quepegue' so Faraón qaỹashiila quena trigo. Ca' so Faraón 'naaco' quena Egipto laseripi: —Quiipegue' ca José, ca cá'maq 'naac, ca' chaqaida nqai'ñii.

Esdras 7:14

Ma' ỹim chaqai naua siete ỹotaua' selata qami', qaiyi napaxaguiñita ca leloxoỹaxac nqai'ñi' yi Judá chaqai yi Jerusalén quiyim ipaquichiguilo nqai'ñi' naua laqataxaco ñi qota'olec caqami' lo'qo'isa'a'lo.

Ester 1:14

Ca' queso qomyipi sauá'maq paguec na'deenaxaua' so nashi, saua Carsena, Setar, Admata, Tarsis, Meres, Marsena chaqai so Memucán, siete saua ỹaatqajam na'gaxalate' quiyi Persia chaqai yi Media, chaqaisaua saua lotaua' quiyim ỹahotaque da lo'ueenataxanaxac so nashi.

Ester 3:10

Ca co'na'le, ca' so nashi naqate'e aso lichicshaqate, ca' ỹaanem so Amán só'maq npa'guenaxaua na judioipi.

Ester 5:11

Ca' retaqatecto ỹa'xatetac da lesallaxa, chaqai quiyim 'xoic na llaalqaipi, chaqai quiyim so nashi ỹapacqajnauec quesá'ogue so liỹaripi so'maxare, chaqai ỹaanem yi paguec lecaic loma' ỹapacauec nqai'en quena liỹa lotauaripi so nashi.

Ester 7:6

Ca' aso Ester 'naaco': —¡Ñí'maq pa'guenaxantac chaqai rasauaqataxantac, chaqaiñi ñijo hualoxonaq Amán! Ca co'na' 'xaỹa dajo so Amán, ca' se ra'ñiigue queda lqolonaxa reloqoto'oto so nashi Asuero chaqai aso nashi Ester.

Ester 8:3

Ime, ca' aso Ester lotqai liỹa retaxaỹa'pegue' so nashi, ca' ỹa'dooto naua le'cootal chaqai no'qaachi'ñiguilo naua nqote' quena lachiripi, ca ne'xoresene'tot so'maxare quiyim nosogoñi so na'qaatec se no'uen ỹiriño' na'le so Amán, qaiyi se ipac nqohin dá'maq shimo' qohine'tegue na judioipi.

Daniel 6:2

Ca' roỹaxanalo so Daniel chaqai saua dos liỹa' quiyim ỹa'ajandac da lo'ueenataxanaxac so liỹaripi, qaiyi qaica canchaqaica ỹo'maauec no'ueenataxanaxac queso nashi.

Números 24:7

Na llaalqaipi so Israel ỹaatqajam se ỹouen na laquip, quiyim ni'chigui chaqai quiyim locoraxat ca lanec. Ñi lashi loxonec ma'le ñi nashi Agag; da lquesaxanaxa ñi nashi ỹaatqajam chalego lecaic.

1 Samuel 15:33

Qam so Samuel 'naaco' queso'maxare: —Viise'e so lecachi' na' 'ue quiyim 'xoic na 'aallipi na'laañi na llaalqaipi. Ca 'nejem na'maxare ma'le aca qachii'i'. Ca' qaica ca liỹa ỹa'xat so Samuel chaqa'ma' sectetajlec nqai'en quiyi Gilgal quiyi na'ñi ñi qara'gaxala'.

1 Samuel 15:8

Chaqai loxonec so Agag só'maq lashi, ca' ỹahote'e na lecat na' ỹalauat so nalliripi.